Veður

Sextán stiga frost á Hellu í nótt og áfram kalt

Atli Ísleifsson skrifar
Frost verður víða á bilinu núll til átta stig og kaldara inn til landsins.
Frost verður víða á bilinu núll til átta stig og kaldara inn til landsins. Vísir/Vilhelm

Reikna má með norðlægri átt í dag en norðan- og norðvestan kalda austast fram á kvöld. Dálítil él norðaustantil á landinu þar til síðdegis.

Í hugleiðingum veðurfræðings á vef Veðurstofunnar segir að kalt verði í veðri þar sem frost verði víða á bilinu núll til átta stig og kaldara inn til landsins. Þar sem kaldur vinur andar af hálendinu mældist til dæmis mesta frost í nótt á Hellu, rúmlega sextán stig.

„Í kvöld nálgast lægð úr suðvestri með vaxandi suðaustanátt og minnkandi frosti. Það gengur í hvassa suðaustanátt í nótt og slær líklega í storm á norðanverðu Snæfellsnesi. Snjókoma í fyrstu og skiptir fljótt yfir í rigningu á láglendi, en hægari vindur og úrkomulítið um norðaustanvert landið.

Flestir sofa versta veðrið af sér því í fyrramálið á morgun snýst hægari í suðvestanátt með skúrum, en það fer kólnandi með éljum seinni partinn.“

Spákortið fyrir kluykkan 14 í dag.Veðurstofan

Veðurhorfur á landinu næstu daga

Á fimmtudag: Suðaustan 13-20 með snjókomu og síðar rigningu á láglendi, einkum sunnan- og vestanlands. Snýst í suðvestan 8-15 m/s með slydduéljum eða éljum síðdegis, en léttir til á Norðausturlandi. Hiti 0 til 5 stig.

Á föstudag: Hæg vestlæg eða breytileg átt og dálítil él, en víða bjartviðri um austanvert landið. Frost 0 til 10 stig, kaldast í innsveitum norðaustantil.

Á laugardag: Hæg breytileg átt og víða léttskýjað. Frost um land allt.

Á sunnudag: Hvöss suðaustanátt og dálítl rigning. Hiti 0 til 5 stig. Hægari vindur, skýjað og þurrt um norðaustanvert landið og vægt frost á þeim slóðum.

Á mánudag: Útlit fyrir suðaustlæga átt með dálítilli vætu, en þurrt norðanlands. Hiti kringum frostmark.

Á þriðjudag: Líkur á austlægri átt með stöku skúrum eða éljum en bjartviðri vestantil á landinu. Hiti breytist lítið.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.