Bein útsending: Loftslagsfundur Festu og Reykjavíkurborgar

Atli Ísleifsson skrifar 19. nóvember 2021 08:31

Dagur B. Eggertsson borgarstjóri og Hrund Gunnsteinsdóttir, framkvæmdastjóri Festu. Aðsend/Sigurjón Ragnar

Loftslagsfundur Festu og Reykjavíkurborgar fer fram í Hörpu í dag milli níu og hálf tólf og er yfirskrift fundarins „Framtíðarsýn og næstu skref“. Hægt verður að fylgjast með fundinum í beinu streymi hér á Vísi.

Í tilkynningu segir að dagskrá Loftslagsfundsins í ár sé þétt og einstaklega fjölbreytt og að hún hafi verið unnin í samvinnu við Loftslagsráð Íslands.

„Fundurinn veitir einstaka innsýn í það sem fór fram á nýafstöðnu Loftslagsþingi Sameinuðu þjóðanna, COP26, og þá öru þróun sem er að eiga sér stað alþjóðlega, hvað varðar markmið, aðgerðir og nýja umgjörð utan um rekstur.

Eitt af markmiðum fundarins er að setja okkur betur inn í þær breytingar, sem tengjast loftslagsmálum sem nú eru að verða á reglugerðum, viðskiptamódelum og rekstrarumhverfi fyrirtækja á Íslandi og alþjóðlega.“

Í lok viðburðarins mun Dagur B. Eggertsson afhenda Loftslagsviðurkenningu Reykjavíkurborgar og Festu. Fundarstjóri er Freyr Eyjólfsson.

Hægt er að fylgjast með fundinum í spilaranum að neðan.

Reykjavík Samfélagsleg ábyrgð Loftslagsmál

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.