Inga óttast fjarfundajól með rafsteikum ef ekki verði gripið í taumana

Viktor Örn Ásgeirsson skrifar 10. nóvember 2021 19:17

Inga Sæland er formaður Flokks fólksins. Vísir/Vilhelm

Inga Sæland, alþingismaður, segir stöðuna sem nú er uppi vegna aukins fjölda Covid-smita með ólíkindum. Hún segir stöðuna ekki einungis óafsakanlega með öllu, heldur árás á samfélagið í heild sinni.

„Við þurfum ekki á fleiri Covitum að halda, þess vegna þarf heilbrigðisráðherra að taka af skarið og setja sóttvarnir okkar í hendurnar á þeim sem þekkja best þau vopn sem við þurfum á að halda, til að vinna stríðið sem við heyjum nú við þennan ósýnilega lífshættulega einstakling.“

Inga segir sýndarmennsku og hænuskref einkenna varnarbaráttuna gegn veirunni og segir stöðuna aldrei hafa verið eins alvarlega og nú. Hún veltir því þá upp hvort ráðherrastólarnir séu mikilvægari, en raunveruleg og lögbundin skylda ráðherra til að verja líf og heilsu íbúa landsins.

„Við skulum átta okkur á því að ástandið er algjörlega og eingöngu í boði stjórnvalda og þá heilbrigðisráðherra fyrst og fremst sem ber alla ábyrgð á heilbrigðismálum þjóðarinnar,“ segir Inga.

Inga Sæland birtir uppfærsluna á Facebook-síðu sinni en hana má sjá í heild sinni hér að neðan.

Alþingi Flokkur fólksins Faraldur kórónuveiru (COVID-19)

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.