Innlent

Kvöldfréttir Stöðvar 2

Vésteinn Örn Pétursson skrifar
Kvöldfréttirnar eru á dagskrá klukkan 18:30.
Kvöldfréttirnar eru á dagskrá klukkan 18:30.

Deildarstjóri Covid-göngudeildar óttast að Landspítalinn hætti að ráða við álagið með áframhaldandi fjölgun smitaðra í samfélaginu og telur að grípa þurfi til mun hertari aðgerða svo staðan verði ekki eins slæm og víða annars staðar í Evrópu. Metfjöldi greindist með kórónuveiruna innanlands í gær.

Fjallað verður nánar um málið í kvöldfréttum Stöðvar 2.

Alþýðusambandið fordæmir flugfélagið PLAY fyrir að opna starfsstöð í Litháen og Félag tæknifólks segir það hræðilega þróun að íslensk fyrirtæki opni starfsstöðvar erlendis til að ráða til sín ódýrara fólk í hátæknistörf. Það grafi undan þróun stéttarinnar á Íslandi. Fjallað verður um málið í kvöldfréttum.

Einnig segjum við frá því að starfsmanni stéttarfélags var nýverið vikið frá störfum eftir að hafa kvartað undan langvarandi einelti og ofbeldi af hálfu yfirmanna sinna. Hann segist stundum hafa verið lamaður af skelfingu vegna ógnandi tilburða þeirra og er í dag óvinnufær.

Þá verður farið yfir stöðuna í undirbúningskjörbréfanefnd sem ætlar að fara í aðra vettvangsferð til Borgarness í vikunni vegna talningarinnar í Norðvesturkjördæmi, auk þess sem við verðum í beinni frá heimsþingi kvenleiðtoga í Hörpu og kíkjum í Pokémon-verslun – sem sérhæfir sig í sölu á Pokémon varningi.

Þetta og margt fleira á samtengdum rásum Bylgjunnar og Stöðvar 2 klukkan 18:30

Kvöldfréttir Stöðvar 2
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið