Fjallað verður nánar um málið í kvöldfréttum og rætt við yfirlækni á hjartagátt um hópsmit á spítalanum.

Ríki heimsins eru langt frá því að ná markmiðum Parísarsamkomulagsins samkvæmt nýrri skýrslu Sameinuðu þjóðanna. Framkvæmdastjóri Landverndar kemur til okkar og ræðir stöðuna í aðdraganda loftslagsráðstefnunnar í Glasgow.

Þá fjöllum við um langan biðtíma eftir sálfræðiþjónustu hjá Heilsugæslu höfuðborgarsvæðisins, skoðum nýja ásýnd klassíska listaverksins Flatus lifir, kíkjum á hundasýningu og verðum í beinni útsendingu frá opnunarhátíð Listar án landamæra – þar sem fólk með fatlanir sýnir ýmiss konar verk.

Þetta og margt fleira á samtengdum rásum Bylgjunnar og Stöðvar 2 klukkan hálf sjö.

Kvöldfréttirnar eru nú í lokaðri dagskrá en áskrifendur geta horft á þær hér á stod2.is. Einnig er hægt að hlusta á fréttirnar á Bylgjunni hér í spilaranum fyrir ofan.