Handbolti

Björgvin ekki í landsliðinu en sonur Óla Stef fær tækifæri

Sindri Sverrisson skrifar
Einar Þorsteinn Ólafsson fær tækifæri í æfingahópi landsliðsins.
Einar Þorsteinn Ólafsson fær tækifæri í æfingahópi landsliðsins. vísir/Elín Björg

Tveir leikmenn sem ekki eiga að baki A-landsleik eru í landsliðshópi karla í handbolta sem Guðmundur Guðmundsson hefur valið til æfinga í byrjun nóvember.

Valsarinn Einar Þorsteinn Ólafsson, sonur handboltagoðsagnarinnar Ólafs Stefánssonar, er í fyrsta sinn í landsliðshópnum. Elvar Ásgeirsson, sem ekki á að baki A-landsleik, er einnig í hópnum.

Björgvin Páll Gústavsson, sem farið hefur á kostum með Val í upphafi leiktíðar, er ekki á meðal þeirra þriggja markvarða sem eru í hópnum, né heldur Ágúst Elí Björgvinsson, markvörður Kolding.

Janus Daði Smárason, sem glímir við meiðsli í öxl, er ekki í hópnum né heldur Sigvaldi Björn Guðjónsson sem er einnig meiddur. Alexander Petersson og Arnór Þór Gunnarsson eru heldur ekki í hópnum. KA-maðurinn Óðinn Þór Ríkharðsson er því eini hægri hornamaðurinn í hópnum.

Tuttugu manna hópur

Guðmundur valdi alls 20 leikmenn til æfinga dagana 1.-6. nóvember. Æfingarnar eru hluti af undirbúningi fyrir Evrópumótið í janúar, þar sem Ísland leikur í riðli með Portúgal, Hollandi og heimamönnum í Ungverjalandi í Búdapest.

Æfingarnar fara fram á höfuðborgarsvæðinu og eftir þær hittist íslenska landsliðið ekki aftur fyrr en eftir áramót þegar lokaundirbúningur fyrir EM hefst. Ísland spilar þá tvo vináttulandsleiki gegn Litháen á heimavelli en heldur svo á EM 11. janúar. Fyrsti leikurinn verður gegn Portúgal 14. janúar.

Hópurinn:

Markmenn:

Daníel Freyr Andrésson, Guif (2/0)

Grétar Ari Guðjónsson, Nice (7/0)

Viktor Gísli Hallgrímsson, GOG Håndbold (25/1)

Aðrir leikmenn:

Arnar Freyr Arnarsson, MT Melsungen (63/76)

Aron Pálmarsson, Aalborg Håndbold (152/593)

Bjarki Már Elísson, TBV Lemgo (82/230)

Einar Þorsteinn Ólafsson, Valur (0/0)

Elliði Snær Viðarsson, Gummersbach (13/14)

Elvar Ásgeirsson, Nancy (0/0)

Elvar Örn Jónsson, MT Melsungen (46/120)

Gísli Þorgeir Kristjánsson, SC Magdeburg (32/51)

Haukur Þrastarson, Lomza Vive Kielce (20/22)

Hákon Daði Styrmisson, Gummersbach (6/23)

Kristján Örn Kristjánsson, Pauc Handball (12/18)

Óðinn Þór Ríkharðsson, KA (14/44)

Ólafur Guðmundsson, Montpellier Handball (133/266)

Ómar Ingi Magnússon, SC Magdeburg (56/150)

Sveinn Jóhannsson, SönderjyskE Håndball (12/24)

Teitur Einarsson, SG Flensburg-Handewitt (21/22)

Viggó Kristjánsson, Stuttgart (21/55)

Ýmir Örn Gíslason, Rhein-Neckar Löwen (52/23)




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.