Íslenski boltinn

Áfram í Fram

Runólfur Trausti Þórhallsson skrifar
Alex Freyr verður áfram í bláu.
Alex Freyr verður áfram í bláu. Fram

Alex Freyr Elísson hefur skrifað undir nýjan samning við Fram og mun leika með liðinu í Pepsi Max deild karla í knattspyrnu næsta sumar. Samningur hans gildir til ársins 2023.

Alex Freyr hefur staðið sig með prýði í liði Fram sem vann Lengjudeildina með yfirburðum í sumar og tryggði sér sæti í deild þeirra bestu á næstu leiktíð. Hinn 24 ára gamli Alex Freyr hefur verið ítrekað orðaður við Víkinga undanfarnar vikur. 

Gekk það svo langt að hann var settur á varamannabekkinn undir lok sumars þar sem talið væri að hann væri að flytja sig um set. Í viðtali við Fótbolti.net þann 11. september síðastliðinn sagði Jón Sveinsson, þjálfari Fram, eftirfarandi:

„Alex Freyr er að fara frá okkur. Ég veit ekki af hverju Víkingur er að tefja það að gefa það út. Staðan er því miður þannig, það er sárt að sjá á eftir honum. Hann er svo sem ekki fyrsti maðurinn til að fara á milli þessara tveggja félaga. Svo kemur bara í ljós hversu góð eða slæm ákvörðun það.“

Nú er ljóst að Alex Freyr verður áfram í bláu og er búist við miklu af honum á komandi misserum.

„Það eru mikil gleðitíðindi að Alex Freyr spili með uppeldisfélagi sínu í deild hinna bestu á nýjum og glæsilegum velli í Úlfarsárdal þar sem hann er svo sannarlega á heimavelli,“ segir á vefsíðu Fram um þau gleðitíðindi að Alex Freyr verði áfram í röðum félagsins.


Pepsi Max deild karla er á Stöð 2 Sport en upplýsingar um útsendingar má finna hér. Pepsi Max deildin er hluti af Stöð 2 Sport Ísland sem kostar 3.990 krónur á mánuði.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.