Erlent

Öflugur skjálfti við Krít

Atli Ísleifsson skrifar
Frá Heraklion á Krít.
Frá Heraklion á Krít. Getty

Öflugur skjálfti varð suður af grísku eyjunni Krít í morgun. Skjálftinn mælist 5,9 að stærð og voru upptök hans um tuttugu kílómetra suðaustur af borginni Heraklion og á um tíu kílómetra dýpi. Fyrstu fréttir hermdu að skjálftinn hafi verið 6,5 að stærð.

Skjálftinn varð upp úr klukkan sex á íslenskum tíma, eða um níu að staðartíma.

Enn hafa ekki borist fréttir af slösuðum, en vitað er um einn sem hafi fests inni í kirkju sem hrundi og sömuleiðis annan sem ku vera fastur inni á eigin heimili eftir að hrundi úr húsinu.

Reuters segir frá því að fjölmargir eyjaskeggjar hafi yfirgefið heimili sín af ótta við frekari eftirskjálfta.

Öflugasti endirskjálftinn hefur mælst 4,6 að stærð.

Uppfært 9:55: Grískir fjölmiðlar hafa greint frá því að einn hafi látist og níu hið minnsta slasast í skjálftanum. Sá sem lést hafi orðið undir þegar hrundi úr kirkju í bænum Arkalohori. 



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.