„Þjóðin hefði svo gott af því að fá gleði og glimmer“

Sylvía Rut Sigfúsdóttir skrifar 8. september 2021 13:00

Frá síðustu þáttaröð af Allir geta dansað. Vala segir að það hafi komið sér á óvart að vinna Glimmerbikarinn í Allir geta dansað, enda var þetta fyrsti og eini bikarinn sem hún hefur unnið um ævina. Vísir/Marínó Flóvent

„Það geta allir dansað, þetta er ekkert flóknara en það. Þetta er í genunum okkar,“ segir Jóhann Gunnar Arnarson danssérfræðingur, bryti og dómari í þáttunum Allir geta dansað. „Ef fólk hefur áhuga á að ná langt í dansi liggur samt að baki ótrúlega mikil vinna og einbeitni.“

Í norsku útgáfunni af þáttunum Allir get, Skal vi danse?, keppir nú samkynja par sem ekki hefur verið áður gert í þessum sjónvarpsþáttum.

„Það er búið að vera í bransanum í nokkur ár að það eru keppnir þar sem karlmenn dansa saman og keppnir það eru líka keppnir þar sem konur dansa saman,“ sagði Jóhann í Bítinu á Bylgjunni í dag.

Dómarar Allir geta dansað eru Selma Björnsdóttir, Jóhann Gunnar Arnarson og Karen Reeve.Aðsent

„Þetta er svolítið í Ameríku og ég hef séð myndir af þessu í Evrópu líka. Það er haldið heimsmeistaramót þar sem eru bara karlmenn eða bara konur. Þetta er því ekkert óvenjulegt fyrir þá sem hafa lifað og hrærst í dansi.“

Dans er dans

Jóhann segir að í gegnum tíðina hafi verið oft meira af stúlkum en drengjum í dansheiminum og því hafi stelpur dansað og keppt saman.

„Ég vona það,“ svarar Jóhann aðspurður hvort að það verði gerðar fleiri þáttaraðir af Allir geta dansað á Stöð 2.

„Þetta er svo mikil gleðisprengja og þjóðin hefði svo gott af því að fá gleði og glimmer og ljós og skraut inn í lífið. Það eru allir orðnir svo þunglyndir á öllum þessum leiðindamálum sem hafa verið að skekja samfélagið og Covidinu.“

Hann segir að þau séu opin fyrir því að fólk dansi við einstakling af sama kyni í Allir geta dansað, sé þess óskað.

„Frá minni hálfu skiptir það engu máli. Dans er dans og í mínum huga skiptir það ekki öllu máli.“

Viðtalið í heild sinni má heyra í spilaranum hér fyrir neðan.

Bítið Dans Allir geta dansað

Tengdar fréttir

Sjáðu sigurdansinn hans Rúriks

Rúrik Gíslason, fótboltakappi og athafnamaður, sigraði Allir geta dansað í Þýskalandi í gær. Brá hann sér þar í líki þrumuguðsins Þórs, eða allavega Hollywood-útgáfuna af honum.

29. maí 2021 08:35

Glimmerjakkarnir og skórnir hans Jóhanns fá nýtt heimili

„Kæru vinir, já það er komið að þessu, við erum búin að setja fallegu íbúðina okkar á sölu. Hér er hátt til lofts og vítt til veggja og dásamlegt að vera,“ skrifar britinn og dansdómarinn Jóhann Gunnar Arnarsson í færslu á Facebook en hann fór meðal annars á kostum sem dómari í skemmtiþáttunum Allir geta dansað á Stöð 2.

17. febrúar 2021 07:00

Hnéð tvöfalt, staðgengillinn klár en Sigrún lét vaða

Sigrún Ósk Kristjánsdóttir hefur vakið mikla athygli fyrir frammistöðu sína sem þáttastjórnandi í skemmtiþáttunum Allir geta dansað á Stöð 2. Hún hefur tekið þátt í báðum þáttaröðunum og var stjórnandi með Auðunni Blöndal í seríu númer tvö.

3. nóvember 2020 14:30