Lífið

Þakið ætlaði af Gamla bíói á frumsýningu Hlið við hlið

Sylvía Rut Sigfúsdóttir skrifar
Frá frumsýningarkvöldi Hlið við Hlið, byggt á tónlist Friðriks Dórs Jónssonar.
Frá frumsýningarkvöldi Hlið við Hlið, byggt á tónlist Friðriks Dórs Jónssonar. Vísir/Elín Guðmunds

Í gær var söngleikurinn Hlið við hlið frumsýndur í Gamla bíói. Hlið við hlið er söngleikur með lögum þjóðþekkta listamannsins Friðriks Dórs Jónssonar, leikstýrt af Höskuldi Þór Jónssyni. 

Handritið skrifuðu Höskuldur Þór og Berglind Alda Ástþórsdóttir. Höskuldur fékk hugmyndina að verkefninu á tónleikum Friðriki Dór sem fóru fram í Eldborgarsal í Hörpu árið 2017.

„Þá fékk ég þessa flugu í hausinn en svo var hún lengi vel að malla í hausnum og svo var þetta í mínum huga í raun bara hver yrði fyrstur til að grípa þetta,“ sagði Höskuldur í kvöldfréttum Stöðvar 2 í gær. 

Hanna Björt Stefánsdóttir og Edda Emelía Arnarsdóttir. Vísir/Elín Guðmunds

Með aðalhlutverk í sýningunni fara þau Ingi Þór Þórhallsson, Jón Svavar Jósefsson, Kolbeinn Sveinsson, Berglind Alda Ástþórsdóttir, Helgi Valur Gunnarsson, Agla Bríet Bárudóttir og Kristinn Óli Haraldsson, sem er best þekktur sem tónlistarmaðurinn Króli en hann á augljóslega framtíðina fyrir sér í leiklistinni líka og hefur sýnt það í sýnum verkefnum. 

Snæbjörn og Agnes.Vísir/Elín Guðmunds
Helgi, Helgi, Birta og Telma.Vísir/Elín Guðmunds

Um er að ræða ótrúlega fyndna, skemmtilega og hugljúfa sýningu frá hæfileikaríku ungu fólki. Heppnast ótrúlega vel að tvinna tónlist Friðriks Dórs við söguna, þannig að textarnir tjá tilfinningar leikaranna hvort sem það er ást, angist, losti eða bara eitthvað allt annað. 

Kristrún Sigurðardóttir, Gísli Hafliði Guðmundsson, Hlynur Már Heimisson, Debóra Dögg Jóhannsdóttir, Monika Rögnvaldsdóttir, Aðalbjörg Guðjónsdóttir, Jóhann Walderhaug, Ingi Ö AndréssonVísir/Elín Guðmunds
Vinahópurinn Snúbblarnir.Vísir/Elín Guðmunds

Leikararnir áttu öll sín eigin stóru augnablik í sýningunni þar sem þau fluttu lög Friðriks Dórs. Það var líka ótrúlega skemmtilegt að heyra inn á milli öðruvísi útsetningar og að fá að hlusta á þekkt lag söngvarans sungið sem fallegan dúett, sem dæmi sé tekið. Um útsetningu tónlistar sá Snorri Beck Magnússon. 

Hin einstaklega fyndna Berglind Alda Ástþórsdóttir gerir sig klára fyrir frumsýninguna. Hún er annar leikstjóra sýningarinnar og fer einnig með eitt aðalhlutverkanna. Vísir/Elín Guðmunds
Leikarar sýningarinnar Hlið við Hlið áður en þau stigu á svið; efri röð frá vinstri Ingi Þór Þórhallsson, Jón Svavar Jósefsson, Kolbeinn Sveinsson, Berglind Alda Ástþorsdóttir, Helgi Valur Gunnarsson og fyrir neðan Agla Bríet Bárudóttir og Króli. Vísir/Elín Guðmunds
Helgi Valur Gunnarsson, sem fer á kostum sem barþjónninn Grjóni.Vísir/Elín Guðmunds

Friðrik Dór á einstaklega mikið af góðum textum og er þetta mjög vel heppnað verkefni að mati blaðamanns. Stemningin í salnum í gær var mögnuð og voru augljóslega nánustu aðstandendur leikara, leikstjóra, framleiðanda og annara sem komu að sýningunni úti í sal.

Hekla Nína Hafliðadóttir, búningahönnuður ásamat foreldrum sínum Hafliða Ragnarssyni og Ellisif A SigurðuardótturVísir/Elín Guðmunds
Ísold Pétursdóttir, Hrafnhildur Una Magnúsdóttir, Álfheiður Kristín Hallgrímsdóttir.Vísir/Elín Guðmunds
Elin, Auður amma Kötlu og Þórður afi Kötlu,Vísir/Elín Guðmunds

Friðrik Dór mætti auðvitað á frumsýninguna ásamt fjölskyldu sinni og var hann klappaður upp á svið í lok sýningar. Hópurinn á bak við Hlið við hlið færðu honum þar blómvönd, en í Kvöldfréttum Stöðvar 2 í gær, sagði Friðrik Dór að hann hafi strax sagt já þegar Höskuldur bar upp þessa hugmynd við hann. 

„Auðvitað er þetta það, mér finnst það. Mér finnst það að einhver skuli vilja gera eitthvað með verkin þín, það er heiður þannig að já. Mér finnst þetta mikill heiður og mjög gaman.“

Lísa Hafliðadóttir, Friðrik Dór og dóttir þeirra Ásthildur.Vísir/Elín Guðmunds
Máni, framleiðandi Hlið við Hlið.Vísir/Elín Guðmunds

Hlið við hlið fjallar um borgarstrákinn Dag sem fær sumarvinnu á sveitahóteli þar sem allt er eins og það hefur verið í áraraðir. En koma hans virðist þrýsta á tengslin innan hótelsins að þolmörkum - skyndilega er sem öll fjölskyldutengsl, sambönd og vináttur hanga á bláþræði.

Harpa, mamma Mána framleiðanda og Ísak bróðir hans.Vísir/Elín Guðmunds
Jón H. Eggertsson og Inga Dóra Þórhallsson, amma og afi Inga Dórs Þórhallssonar.Vísir/Elín Guðmunds

Sýningin Hlið við hlið er annað verkefni sjálfstæðs sviðslistahóps sem setti upp sýninguna Ðe Lónlí Blú Bojs árið 2019 í Bæjarbíói í Hafnarfirði, en hún fékk mikið lof og seldust um 20 sýningar upp. Það kæmi ekki á óvart ef þessi sýning myndi vekja jafn mikla lukku miðað við viðbrögðin í salnum í gær. 

Elin, Auður amma Kötlu og Þórður afi Kötlu,Vísir/Elín Guðmunds
Kristbjörg, Arndís og Svanhvít.Vísir/Elín Guðmunds
Matthildur Kristjánsdóttir.Vísir/Elín Guðmunds

Tengdar fréttir

„Ég segi bara við allt unga fólkið heima: Let‘s go“

Söngleikurinn Hlið við hlið sem byggður er á þekktustu lögum söngvarans Friðriks Dórs verður frumsýndur í kvöld. Sýningin fer fram í Gamla bíói en Friðrik Dór mun sjá verkið lifna við á sviðinu í fyrsta sinn í kvöld.






Fleiri fréttir

Sjá meira


×