Íslenski boltinn

Þrír Vestramenn smitaðir og allt liðið í sóttkví

Valur Páll Eiríksson skrifar
Vestramenn eru komnir í sóttkví.
Vestramenn eru komnir í sóttkví.

Þrír úr liði Vestra á Ísafirði, sem leikur í Lengjudeild karla, hafa greinst með kórónuveiruna. Allir leikmenn liðsins, auk þjálfarateymis, eru því komnir í sóttkví.

Greint er frá þessu á vef Bæjarins besta í dag. Grunur var um smit hjá einum leikmanni á föstudag og var hann því utan hóps er liðið mætti Fram á laugardag. Allt liðið var sent í skimun og greindust þrjú sýnanna jákvæð.

Þeir þrír sem greindust eru því komnir í einangrun en aðrir í hópnum komnir í sóttkví.

Vegna þessa hefur fyrirhuguðum leik liðsins við Aftureldingu á fimmtudag verið frestað en næsti leikur liðsins þar á eftir er við Víkings frá Ólafsvík þriðjudaginn 24. ágúst. Óvíst er hvort þeim leik verði einnig frestað.

Lengjudeild karla Vestri Faraldur kórónuveiru (COVID-19)

Mest lesið


Fleiri fréttir

Sjá meira


×

Mest lesið