Vitaly Shishov hafði verið varaður við því að líf hans væri í hættu.Twitter/Tadeusz Gizcan
Maður sem fór fyrir hóp sem aðstoðar fólk við að hefja nýtt líf eftir að hafa flúið Belarús (Hvíta-Rússland) hefur fundist látinn í almenningsgarði í Kíev í Úkraínu.
Samkvæmt erlendum fréttum fannst lík Vitaly Shishov hangandi í tré og lögregla rannsakar nú hvort hann hafi verið myrtur og morðið sviðsett sem sjálfsmorð.
Shishov yfirgaf heimili sitt á mánudagsmorgun og er talinn hafa farið út að hlaupa. Hann virðist hafa hringt nokkur símtöl en lagt á þegar svarað var. Lögregla hefur síma Shishov undir höndum.
Samkvæmt hvítrússneska blaðamanninum Tadeusz Gizcan segja vinir Shishov að honum hafi verið veitt eftirför á síðustu misserum. Hann neyddist til að flýja Belarús síðasta haust eftir að hafa tekið þátt í mótmælum í Gomel.
❗️Vitaly Shishov was found dead this morning. His body was hanged on a tree. Ukrainian police opened an investigation under Article 115 (premeditated murder). They believe it may be a murder disguised as a suicide. Shishov was the head of organisation helping Belarusians in exile pic.twitter.com/RIc4AdCktz
Shisov var framkvæmdastjóri nokkurs konar áfangahúss í Úkraínu, þar sem Hvítrússar geta fengið stuðning við að hefja nýtt líf eftir að hafa yfirgefið heimalandið.
Fjöldi fólks hefur flúið Belarús í kjölfar afar umdeildra forsetakosninga í landinu í ágúst í fyrra.
Meðal þeirra er spretthlauparinn Krystina Timanovskaya, sem hefur fengið dvalarleyfi í Póllandi eftir að hafa sagst óttast um öryggi sitt í kjölfar þess að hafa gagnrýnt þjálfara Belarús á Ólympíuleikunum sem nú standa yfir í Tókýó.
Þá vakti það heimsathygli þegar blaðamaðurinn Roman Protasevich var handtekinn eftir að flugvél sem hann ferðaðist með var neydd til að lenda.
Krystsina Tsimanouskaya var tekin úr hvítrússneska ólympíuliðinu fyrir að gagnrýna þjálfara sína. Hún hefur óskað eftir aðstoð Alþjóðaólympíunefndarinnar enda segir hún að stjórnvöld séu að neyða hana til að fara til Hvíta-Rússlands.
Hvítrússneski blaðamaðurinn Roman Prótasevits sem var handtekinn um borð í flugvél Ryanair kom fram á blaðamannafundi í fylgd með embættismönnum í dag. Þar neitaði Prótasevits að hafa verið beittur ofbeldi í haldi yfirvalda og lýsti iðrun vegna meintra glæpa sinna. Stjórnarandstaðan telur að hann hafi verið þvingaður til að koma fram opinberlega.
Evrópusambandið hefur ákveðið að banna hvítrússneskum flugvélum að fljúga í lofthelgi aðildarríkja sinna og að lenda á evrópskum flugvöllum. Evrópsk flugfélög eru áfram hvött til þess að forðast í lengstu lög að fljúga í gegnum lofthelgi Hvíta-Rússlands.
Flugumferðarstjórar í Minsk sögðu áhöfn flugvélar RyanAir að snúa flugvélinni við og lenda í borginni vegna meintrar sprengjuhótunar, áður en hótunin sjálf barst. Um hálftíma eftir að flugstjóranum var sagt að snúa flugvélinni barst tölvupóstur til nokkurra flugvalla þar sem hótað var að sprengja flugvélina í loft upp yfir Vilníus.
Atlantshafsbandalagið krafðist þess í dag að hvítrússnesku stjórnarandstæðingarnir sem voru handteknir eftir að flugi þeirra með RyanAir var stýrt af leið og lent í Minsk verði leystir úr haldi. Utanríkisráðherra segir málið með ólíkindum.
Farþegar í flugvél RyanAir sem snúið var af leið og lent í Minsk í Hvíta-Rússlandi um helgina segja blaðamanninn og aðgerðasinnan Roman Protasevíts hafa augljóslega verið hræddan, þegar flugstjóri flugvélarinnar tilkynnti að henni yrði lent í Minsk.
Evrópuríki hafa boðað viðskiptaþvinganir gegn Hvít-Rússum í dag eftir að stjórnarandstæðingur var handtekinn í Minsk. Utanríkisráðherra segir aðgerðir Hvíta Rússlands aðför að mannréttindum.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
