Innlent

71 greindist smitaður af Covid-19 í gær

Hallgerður Kolbrún E. Jónsdóttir skrifar
Í síðustu viku greindist metfjöldi smitaður af covid.
Í síðustu viku greindist metfjöldi smitaður af covid. Vísir/Vilhelm

Í gær greindist 71 innanlands með Covid-19. Þar af voru 53 fullbólusettir og 16 óbólusettir. 46 voru utan sóttkvíar við greiningu. Tveir eru á sjúkrahúsi vegna sjúkdómsins og hefur fækkað um tvo á milli daga. 

Lögreglan á Norðurlandi eystra greindi frá því fyrr í dag að tólf eru í einangrun vegna Covid-19 í umdæminu og tuttugu og einn er í sóttkví. 

Enginn greindist smitaður á landamærum. 1.805 eru nú í sóttkví og 612 í einangrun hér á landi. Nýgengi innanlandssmita hefur hækkað hratt síðustu daga og hefur farið úr 135,0 upp í 154,3 frá því í gær. 

2.366 innanlandssýni voru tekin í gær sem er talsvert minna en undanfarna daga. Þetta kemur fram í uppfærðum tölum á upplýsingavefnum covid.is.

Í gær var greint frá því að 88 hafi greinst innanlands á laugardag.

Fréttin hefur verið uppfærð.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.