Íslenski boltinn

Jón Þór tekinn við Vestra

Ingvi Þór Sæmundsson skrifar
Jón Þór Hauksson náði góðum árangri með íslenska kvennalandsliðið.
Jón Þór Hauksson náði góðum árangri með íslenska kvennalandsliðið. vísir/bára

Jón Þór Hauksson hefur verið ráðinn þjálfari Vestra í Lengjudeild karla. Hann hefur skrifað undir samning við félagið út tímabilið.

Jón Þór tekur við Vestra af Heiðari Birni Torleifssyni sem sagði starfi sínu lausu í vikunni. Hann stýrir Vestra í fyrsta sinn þegar liðið tekur á móti Þrótti á laugardaginn.

Jón Þór þjálfaði íslenska kvennalandsliðið á árunum 2018-20 og kom því á EM. Áður starfaði hann hjá ÍA og Stjörnunni. Í sumar hefur hann verið sérfræðingur Stöðvar 2 Sports um Pepsi Max-deild karla.

Samkvæmt Fótbolta.net gáfu bæði Rúnar Páll Sigmundsson og Rafn Markús Vilbergsson Vestra afsvar. 

Vestri er í 6. sæti Lengjudeildarinnar með sextán stig eftir ellefu leiki.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.