Veður

Áfram hlýtt í veðri næstu daga

Atli Ísleifsson skrifar
Hiti verður á bilinu átta til 24 stig í dag þar sem hlýjast verður í innsveitum austanlands.
Hiti verður á bilinu átta til 24 stig í dag þar sem hlýjast verður í innsveitum austanlands. Vísir/Vilhelm

Engar stórar breytingar verða á veðrinu næstu daga, en þó má búast við smá vætu um landið norðvestanvert. Áfram verður hlýtt í veðri og fer hiti víða yfir tuttugu stig þar sem sólin nær að skína um landið austanvert.

Þetta kemur fram í hugleiðingum veðurfræðings. Landsmenn mega eiga von á heldur vaxandi sunnan- og suðvestanátt á landinu í dag. Víða verði lágskýjað eða þokubakkar í fyrstu, en birtir víða til inn til landsins þegar líður á morguninn. Áfram þungbúið víða við sjávarsíðuna. Hiti verður á bilinu átta til 24 stig þar sem hlýjast verður í innsveitum austanlands.

„Suðvestan 8-13 m/s og dálítil rigning norðvestantil á landinu í kvöld.

Suðvestlæg átt 5-13 m/s á morgun, hvassast með suðurströndinni. Rigning með köflum um landið norðvestanvert, skýjað og úrkomulítið suðvestantil, en bjart að mestu um allt austanvert landið. Áfram má þó búast við þokulofti við sjávarsíðuna.

Búast má við áframhaldandi hlýjum suðlægum áttum yfir landinu næstu daga, en heldur kólnar eftir helgi með auknum skúraleiðingum.“

Spákortið fyrir klukkan 14 í dag.Veðurstofan

Veðurhorfur á landinu næstu daga

Á fimmtudag: Suðvestan 5-13, hvassast með SA-ströndinni. Skýjað og dálítil rigning vestantil, en annars bjart að mestu. Hiti 10 til 23 stig, hlýjast í innsveitum austanlands.

Á föstudag: Suðlæg átt 5-10 og skýjað að mestu, en hægari breytileg átt og víða léttskýjað norðan- og austantil. Hiti 11 til 23 stig, hlýjast á Norðausturlandi.

Á laugardag: Suðaustlæg átt. Skýjað og úrkomulítið um landið sunnan- og vestanvert, annars þurrt og bjart að mestu. Hiti breytist lítið.

Á sunnudag: Fremur hæg breytileg átt. Skýjað með köflum eða bjartviðri og yfirleitt þurrt. Hiti 12 til 21 stig, hlýjast í innsveitum.

Á mánudag og þriðjudag: Útlit fyrir suðvestlæga átt. Skýjað með köflum og sums staðar skúrir, einkum á þriðjudag. Kólnar lítið eitt.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.