„Ef það á alltaf að gefa skít í okkur þá mun afreksfólkið hverfa“ Sindri Sverrisson skrifar 19. maí 2021 09:00 Sveinbjörn Iura hefur unnið að því hörðum höndum að komast á Ólympíuleikana en draumurinn varð afar fjarlægur þegar hann veiktist af kórónuveirunni. Instagram@sjiura „Það er greinilega hægt að gera undanþágu fyrir ákveðna aðila. Ég er ekki að gera lítið úr Eurovision eða Eurovision-hópnum, en fyrst að þessi hópur fékk undanþágu til bólusetningar af hverju er ekki hægt að veita hana fyrir afreksíþróttafólk?“ Að þessu spyr júdókappinn Sveinbjörn Iura. Eftir áralanga, þrotlausa vinnu hans til þess að fara fyrir hönd Íslands á Ólympíuleikana í Tókýó í sumar var sá draumur svo gott sem fyrir bí þegar hann veiktist af kórónuveirunni í Tyrklandi í byrjun apríl. Sveinbjörn er enn að jafna sig vegna veikindanna og þriggja vikna veru í einangrun á hótelherbergi. Sundmaðurinn Anton Sveinn McKee er eini íslenski íþróttamaðurinn sem kominn er með farseðilinn á Ólympíuleikana sem hefjast eftir tvo mánuði. Sveinbjörn er einn örfárra Íslendinga sem áttu raunhæfa möguleika á að fylgja Antoni en til þess þarf íþróttafólkið að keppa á alþjóðlegum mótum erlendis svo það geti safnað stigum á heimslista. Það er sérstaklega nauðsynlegt í júdóíþróttinni en sömuleiðis sérstaklega vandasamt á tímum kórónuveirufaraldursins. Engin undanþága fyrir þau sem stefndu á Ólympíuleikana Sveinbjörn óttast að félagar sínir úr fremstu röð íslensks íþróttafólks í einstaklingsgreinum lendi í því sama og hann, að veikjast nú þegar komið er að úrslitastundu í baráttunni um sæti á Ólympíuleikunum. Hann furðar sig því á því sama og ÍSÍ gerði í gær, að ekki hafi enn verið veitt undanþága til bólusetningar fyrir einn einasta íþróttamann hér á landi nú þegar í ljós er komið að hægt var að veita undanþágu fyrir Eurovision-hóp Íslendinga. „Við erum örfá sem erum að reyna að komast á Ólympíuleikana og nokkur eru erlendis einmitt til þess núna, ekki bólusett. Ég get nefnt Guðna Val [Guðnason] og Guðbjörgu [Jónu Bjarnadóttur] í frjálsum, og sundfólkið sem nú er á EM, sem eru í þessari baráttu en gætu helst úr lestinni ef þau lenda í því sama og ég,“ segir Sveinbjörn. „Við erum að keppa fyrir Íslands hönd og erum stolt af því, eins og Eurovision-fólkið okkar. Við þurfum að eiga afreksfólk en það er bara þannig að ef það á alltaf að gefa skít í okkur þá mun afreksfólkið hverfa með tímanum. Það er svo mikilvægt fyrir íþróttir að eiga sterkar fyrirmyndir sem hvetja krakka áfram og það þarf að styðja við þetta fólk,“ segir Sveinbjörn. Kannski verið hægt að koma í veg fyrir að ég veiktist Hann hefur lagt allt í sölurnar til að komast á Ólympíuleikana með þann draum í huga að keppa þar á stærsta sviði íþróttanna, í landinu sem faðir hans er frá. „Við erum búin að vinna að þessu í fjögur ár, og reyndar lengur, á hverjum degi. Tvær æfingar á dag. Það er full vinna að æfa og keppa á þessu stigi. Þess vegna er sárt að sjá að hægt sé að veita undanþágu núna þegar hún hefur ekki verið veitt fyrir okkur íþróttafólkið. Kannski hefði verið hægt að komast hjá því að ég veiktist. ÍSÍ vissi til dæmis alveg að ég sem júdómaður þyrfti að vera á ferð og flugi til að keppa á mótum og safna stigum inn á Ólympíuleikana,“ segir Sveinbjörn sem var á góðri uppleið á heimslistanum þegar hann veiktist. View this post on Instagram A post shared by Sveinbjo rn Jun Iura (@sjiura) Gat varla skokkað og tekið mikið á andlega Eins og fyrr segir veiktist Sveinbjörn í Tyrklandi í byrjun apríl og hann er enn að ná upp fullum styrk eftir að hafa neyðst til að verja þremur vikum í einangrun: „Maður var búinn að heyra alls konar sögur um að þessi veira væri ekki neitt – bara smákvef og eitthvað – en þetta hefur haft gríðarleg áhrif á mig,“ segir Sveinbjörn. „Ég var í einangrun í tvær vikur í Tyrklandi, fékk svo neikvætt próf þar en greindist jákvæður á landamærum við komuna til Íslands. Því fór ég í viku í sóttvarnahús. Þetta voru því þrjár vikur þar sem ég var inni á hótelherbergi og mátti ekkert fara,“ segir Sveinbjörn sem missti af þremur afar mikilvægum mótum en veikindin höfðu mun meiri afleiðingar en það. View this post on Instagram A post shared by Sveinbjo rn Jun Iura (@sjiura) „Þegar ég lauk þessari þriggja vikna einangrun var ég svo líka alls ekki í sama ástandi og áður. Ég fór út að skokka og gat varla hlaupið hálfan kílómetra, og þetta tekur líka mikið á andlega. Það myndi gera það fyrir hvern sem er sem þarf að sitja inni í herbergi í þrjár vikur. Það er mikil vinna að rífa sig upp eftir þetta. Þetta hefur ekki verið skemmtilegt og ég óska engum þess að fá þennan viðbjóð.“ Síðasti séns er á HM Þrátt fyrir allt ætlar Sveinbjörn að keppa á heimsmeistaramótinu sem fram fer í Búdapest eftir tvær vikur. Það er síðasti séns fyrir hann til að komast á Ólympíuleikana, en möguleikinn væri vissulega mikið betri ef hann hefði ekki veikst. „Ég fer „kaldur“ inn í HM. Reynsla mín mun hjálpa mér og þó að ég sé ekki í mínu besta líkamlega formi þá ætla ég út til að gera góða hluti. Þetta er síðasti möguleikinn fyrir mig, en ég þyrfti sennilega að lenda í 3. sæti eða eitthvað. Það er alveg hægt en það er gríðarlega erfitt.“ Ólympíuleikar 2020 í Tókýó Faraldur kórónuveiru (COVID-19) Bólusetningar Mest lesið Allt small og Rauðu djöflarnir sjá úrslitaleikinn í hyllingum Fótbolti Forseti ÍSÍ fær laun og framboðin aldrei verið fleiri Sport „Hvað eru menn búnir að láta fífla sig út í?“ Íslenski boltinn Stórbætti heimsmetið í bakgarðshlaupum Sport „Ekki eðlilegt að vera svona góður sautján ára“ Fótbolti Féll sex metra úr stúkunni og niður á völl Sport Trans konum bannað að spila í kvennaflokki á Bretlandi Enski boltinn Glódís skilur áhyggjur Steina: „Verið gríðarlega sárt og erfitt“ Fótbolti „Svona leikmaður kemur fram á fimmtíu ára fresti“ Fótbolti Í beinni: Real Betis - Fiorentina | Albert í Andalúsíu Fótbolti Fleiri fréttir Janus Daði öflugur þegar Pick Szeged féll naumlega úr keppni Meistaradeildardraumur Forest að breytast í martröð Viggó og Andri Már frábærir í sigrum sinna liða Gísli Þorgeir skaut Magdeburg áfram Í beinni: A. Bilbao - Manchester United | Helst Evrópudraumurinn á lífi? Í beinni: Haukar - Njarðvík | Úrslitaeinvígið hefst Í beinni: Tottenham - Bodö/Glimt | Norsararnir mættir til Lundúna Í beinni: Real Betis - Fiorentina | Albert í Andalúsíu Í beinni: Djurgården - Chelsea | Bláir í Stokkhólmi Jóhann Berg skoraði í mikilvægum endurkomu sigri Grindavík snýr aftur heim: „Heimavöllurinn okkar verður áfram tákn samkenndar“ Fyrirliðinn Guðrún og Ísabella Sara hýddar gegn Hammarby Glódís bikarmeistari með Bayern „Fannst ekkert gerast nema Fanndís væri að gera eitthvað“ Féll sex metra úr stúkunni og niður á völl Stórbætti heimsmetið í bakgarðshlaupum „Svona leikmaður kemur fram á fimmtíu ára fresti“ LeBron um framtíðina: „Hef ekki svar“ Trans konum bannað að spila í kvennaflokki á Bretlandi Glódís í hefndarhug getur náð sögulegum áfanga í dag „Ekki eðlilegt að vera svona góður sautján ára“ Úlfarnir sendu Luka, LeBron og félaga í sumarfrí Glódís skilur áhyggjur Steina: „Verið gríðarlega sárt og erfitt“ „Hvað eru menn búnir að láta fífla sig út í?“ Sjáðu stórkostleg mörk Barca og Inter Forseti ÍSÍ fær laun og framboðin aldrei verið fleiri Dagskráin: Glódís í úrslitaleik, United á Spáni og einvígið hefst á Ásvöllum Vilja að Arna elti stóru systur: „Þær eru svakalegir íþróttamenn“ Sá besti íhugaði að hætta: Þeir litu öðruvísi á mig Með Man. Utd til Spánar en mega samt ekki spila Sjá meira
Að þessu spyr júdókappinn Sveinbjörn Iura. Eftir áralanga, þrotlausa vinnu hans til þess að fara fyrir hönd Íslands á Ólympíuleikana í Tókýó í sumar var sá draumur svo gott sem fyrir bí þegar hann veiktist af kórónuveirunni í Tyrklandi í byrjun apríl. Sveinbjörn er enn að jafna sig vegna veikindanna og þriggja vikna veru í einangrun á hótelherbergi. Sundmaðurinn Anton Sveinn McKee er eini íslenski íþróttamaðurinn sem kominn er með farseðilinn á Ólympíuleikana sem hefjast eftir tvo mánuði. Sveinbjörn er einn örfárra Íslendinga sem áttu raunhæfa möguleika á að fylgja Antoni en til þess þarf íþróttafólkið að keppa á alþjóðlegum mótum erlendis svo það geti safnað stigum á heimslista. Það er sérstaklega nauðsynlegt í júdóíþróttinni en sömuleiðis sérstaklega vandasamt á tímum kórónuveirufaraldursins. Engin undanþága fyrir þau sem stefndu á Ólympíuleikana Sveinbjörn óttast að félagar sínir úr fremstu röð íslensks íþróttafólks í einstaklingsgreinum lendi í því sama og hann, að veikjast nú þegar komið er að úrslitastundu í baráttunni um sæti á Ólympíuleikunum. Hann furðar sig því á því sama og ÍSÍ gerði í gær, að ekki hafi enn verið veitt undanþága til bólusetningar fyrir einn einasta íþróttamann hér á landi nú þegar í ljós er komið að hægt var að veita undanþágu fyrir Eurovision-hóp Íslendinga. „Við erum örfá sem erum að reyna að komast á Ólympíuleikana og nokkur eru erlendis einmitt til þess núna, ekki bólusett. Ég get nefnt Guðna Val [Guðnason] og Guðbjörgu [Jónu Bjarnadóttur] í frjálsum, og sundfólkið sem nú er á EM, sem eru í þessari baráttu en gætu helst úr lestinni ef þau lenda í því sama og ég,“ segir Sveinbjörn. „Við erum að keppa fyrir Íslands hönd og erum stolt af því, eins og Eurovision-fólkið okkar. Við þurfum að eiga afreksfólk en það er bara þannig að ef það á alltaf að gefa skít í okkur þá mun afreksfólkið hverfa með tímanum. Það er svo mikilvægt fyrir íþróttir að eiga sterkar fyrirmyndir sem hvetja krakka áfram og það þarf að styðja við þetta fólk,“ segir Sveinbjörn. Kannski verið hægt að koma í veg fyrir að ég veiktist Hann hefur lagt allt í sölurnar til að komast á Ólympíuleikana með þann draum í huga að keppa þar á stærsta sviði íþróttanna, í landinu sem faðir hans er frá. „Við erum búin að vinna að þessu í fjögur ár, og reyndar lengur, á hverjum degi. Tvær æfingar á dag. Það er full vinna að æfa og keppa á þessu stigi. Þess vegna er sárt að sjá að hægt sé að veita undanþágu núna þegar hún hefur ekki verið veitt fyrir okkur íþróttafólkið. Kannski hefði verið hægt að komast hjá því að ég veiktist. ÍSÍ vissi til dæmis alveg að ég sem júdómaður þyrfti að vera á ferð og flugi til að keppa á mótum og safna stigum inn á Ólympíuleikana,“ segir Sveinbjörn sem var á góðri uppleið á heimslistanum þegar hann veiktist. View this post on Instagram A post shared by Sveinbjo rn Jun Iura (@sjiura) Gat varla skokkað og tekið mikið á andlega Eins og fyrr segir veiktist Sveinbjörn í Tyrklandi í byrjun apríl og hann er enn að ná upp fullum styrk eftir að hafa neyðst til að verja þremur vikum í einangrun: „Maður var búinn að heyra alls konar sögur um að þessi veira væri ekki neitt – bara smákvef og eitthvað – en þetta hefur haft gríðarleg áhrif á mig,“ segir Sveinbjörn. „Ég var í einangrun í tvær vikur í Tyrklandi, fékk svo neikvætt próf þar en greindist jákvæður á landamærum við komuna til Íslands. Því fór ég í viku í sóttvarnahús. Þetta voru því þrjár vikur þar sem ég var inni á hótelherbergi og mátti ekkert fara,“ segir Sveinbjörn sem missti af þremur afar mikilvægum mótum en veikindin höfðu mun meiri afleiðingar en það. View this post on Instagram A post shared by Sveinbjo rn Jun Iura (@sjiura) „Þegar ég lauk þessari þriggja vikna einangrun var ég svo líka alls ekki í sama ástandi og áður. Ég fór út að skokka og gat varla hlaupið hálfan kílómetra, og þetta tekur líka mikið á andlega. Það myndi gera það fyrir hvern sem er sem þarf að sitja inni í herbergi í þrjár vikur. Það er mikil vinna að rífa sig upp eftir þetta. Þetta hefur ekki verið skemmtilegt og ég óska engum þess að fá þennan viðbjóð.“ Síðasti séns er á HM Þrátt fyrir allt ætlar Sveinbjörn að keppa á heimsmeistaramótinu sem fram fer í Búdapest eftir tvær vikur. Það er síðasti séns fyrir hann til að komast á Ólympíuleikana, en möguleikinn væri vissulega mikið betri ef hann hefði ekki veikst. „Ég fer „kaldur“ inn í HM. Reynsla mín mun hjálpa mér og þó að ég sé ekki í mínu besta líkamlega formi þá ætla ég út til að gera góða hluti. Þetta er síðasti möguleikinn fyrir mig, en ég þyrfti sennilega að lenda í 3. sæti eða eitthvað. Það er alveg hægt en það er gríðarlega erfitt.“
Ólympíuleikar 2020 í Tókýó Faraldur kórónuveiru (COVID-19) Bólusetningar Mest lesið Allt small og Rauðu djöflarnir sjá úrslitaleikinn í hyllingum Fótbolti Forseti ÍSÍ fær laun og framboðin aldrei verið fleiri Sport „Hvað eru menn búnir að láta fífla sig út í?“ Íslenski boltinn Stórbætti heimsmetið í bakgarðshlaupum Sport „Ekki eðlilegt að vera svona góður sautján ára“ Fótbolti Féll sex metra úr stúkunni og niður á völl Sport Trans konum bannað að spila í kvennaflokki á Bretlandi Enski boltinn Glódís skilur áhyggjur Steina: „Verið gríðarlega sárt og erfitt“ Fótbolti „Svona leikmaður kemur fram á fimmtíu ára fresti“ Fótbolti Í beinni: Real Betis - Fiorentina | Albert í Andalúsíu Fótbolti Fleiri fréttir Janus Daði öflugur þegar Pick Szeged féll naumlega úr keppni Meistaradeildardraumur Forest að breytast í martröð Viggó og Andri Már frábærir í sigrum sinna liða Gísli Þorgeir skaut Magdeburg áfram Í beinni: A. Bilbao - Manchester United | Helst Evrópudraumurinn á lífi? Í beinni: Haukar - Njarðvík | Úrslitaeinvígið hefst Í beinni: Tottenham - Bodö/Glimt | Norsararnir mættir til Lundúna Í beinni: Real Betis - Fiorentina | Albert í Andalúsíu Í beinni: Djurgården - Chelsea | Bláir í Stokkhólmi Jóhann Berg skoraði í mikilvægum endurkomu sigri Grindavík snýr aftur heim: „Heimavöllurinn okkar verður áfram tákn samkenndar“ Fyrirliðinn Guðrún og Ísabella Sara hýddar gegn Hammarby Glódís bikarmeistari með Bayern „Fannst ekkert gerast nema Fanndís væri að gera eitthvað“ Féll sex metra úr stúkunni og niður á völl Stórbætti heimsmetið í bakgarðshlaupum „Svona leikmaður kemur fram á fimmtíu ára fresti“ LeBron um framtíðina: „Hef ekki svar“ Trans konum bannað að spila í kvennaflokki á Bretlandi Glódís í hefndarhug getur náð sögulegum áfanga í dag „Ekki eðlilegt að vera svona góður sautján ára“ Úlfarnir sendu Luka, LeBron og félaga í sumarfrí Glódís skilur áhyggjur Steina: „Verið gríðarlega sárt og erfitt“ „Hvað eru menn búnir að láta fífla sig út í?“ Sjáðu stórkostleg mörk Barca og Inter Forseti ÍSÍ fær laun og framboðin aldrei verið fleiri Dagskráin: Glódís í úrslitaleik, United á Spáni og einvígið hefst á Ásvöllum Vilja að Arna elti stóru systur: „Þær eru svakalegir íþróttamenn“ Sá besti íhugaði að hætta: Þeir litu öðruvísi á mig Með Man. Utd til Spánar en mega samt ekki spila Sjá meira