Innlent

Hádegisfréttir Bylgjunnar

Nadine Guðrún Yaghi skrifar
vísir

Fjórða sprungan opnaðist á Reykjanesskaga í nótt. Sprungan opnaðist undir nýju hrauni og virðist það renna í Geldingadali. Að óbreyttu verður opið fyrir umferð að gossvæðinu til klukkan 21 í kvöld. Rætt er við náttúruvársérfræðing á Veðurstofu Íslands í hádegisfréttum.

Karlmaður á þrítugsaldri var í gær úrskurðaður í vikulangt gæsluvarðhald að kröfu lögreglunnar á höfuðborgarsvæðinu eftir að lögreglan kom upp um umfangsmikla þurrkun kannabisefna í iðnaðarhúsnæði í Hafnarfirði á fimmtudag. Um tuttugu kíló af kannabisefnum voru gerð upptæk. Þá fannst eitt kíló af amfetamíni og um 700 þúsund krónur í reiðufé við húsleit hjá manninum.

Þá er rætt við Gylfa Þór Þorsteinsson, umsjónarmann sóttvarnahúsa, og Maríu Heimisdóttur, forstjóra Sjúkratrygginga Íslands, um stöðu sóttkvíarhótela. Hótelið við Þórunnartún er að fyllast og nýtt sóttkvíarhótel við Barónstíg í Reykjavík verður líklega tekið í notkun í dag eða á morgun.

Um sex hundruð manns úr Hveragerði, Þorlákshöfn, uppsveitum Árnessýslu og á Selfossi fá bólusetningu í dag og fjögur hundruð manns af þessum svæðum fengu bólusetningu í gær. Rætt er við Margréti Ólafsdóttur, hjúkrunarstjóra á heilsugæslustöð Selfoss í hádegisfréttum.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.