Sport

Stefnt að því að hefja íþróttastarf aftur við fyrsta tækifæri

Ingvi Þór Sæmundsson skrifar
Úr leik í Olís-deild kvenna í handbolta. Tvær umferðir eru eftir af deildarkeppninni og svo á eftir að leika úrslita- og bikarkeppnina.
Úr leik í Olís-deild kvenna í handbolta. Tvær umferðir eru eftir af deildarkeppninni og svo á eftir að leika úrslita- og bikarkeppnina. vísir/hulda margrét

Stefnt er að því að íþróttastarfsemi geti hafist sem allra fyrst. Þetta kemur fram í tilkynningu frá mennta- og menningarmálaráðherra.

Bann við æfingum og keppni í íþróttum á Íslandi hefur verið við lýði síðan 25. mars þegar nýjar sóttvarnareglur tóku gildi. Þær gilda til 15. apríl.

Rætt var um íþrótta- og æskulýðsstarf og sóttvarnir á fundi ríkisstjórnar Íslands í dag.

Í tilkynningu frá Lilju Alfreðsdóttur, mennta- og menningarmálaráðherra, kemur fram að stefnt sé á að hefja íþróttaiðkun við fyrsta tækifæri og vinna með það að markmiði hafi farið fram í samstarfi við heilbrigðisráðuneytið og sóttvarnalækni.

Það er forgangsmál hjá stjórnvöldum að koma íþrótta- og æskulýðstarfi af stað enda er um mikilvægt lýðheilsumál að ræða....

Posted by Lilja Alfreðsdóttir / Mennta- og menningarmálaráðherra. on Friday, April 9, 2021

Íþróttastarf hefur verið verulega skert undanfarin misseri vegna kórónuveirufaraldursins. 

Keppni hófst 13. janúar síðastliðinn eftir 99 daga bann. Bannið var svo aftur sett á 25. mars eins og áður sagði.

Faraldur kórónuveiru (COVID-19) Samkomubann á Íslandi

Mest lesið


Fleiri fréttir

Sjá meira


×

Mest lesið