Innlent

Áttu að vera í sótt­kví en fóru að skoða Reynis­fjöru

Vésteinn Örn Pétursson skrifar
Ferðamennirnir áttu að vera í sóttkví en fóru í Reynisfjöru. Myndin er úr safni.
Ferðamennirnir áttu að vera í sóttkví en fóru í Reynisfjöru. Myndin er úr safni. Vísir/Egill

Lögreglan á Suðurlandi stöðvaði í dag erlendan ferðamann fyrir hraðakstur á Suðurlandsvegi vestan við Vík í Mýrdal. Við nánari skoðun kom í ljós að viðkomandi átti að vera í sóttkví.

Í tilkynningu frá lögreglu kemur fram að ökumaðurinn hafi gengist við hraðakstrinum og hann greitt sektina á staðnum.

„Þegar lögreglumenn fóru að kanna nánari deili á ökumanni og farþegum og hvenær fólkið hefði komið til landsins kom í ljós að ökumaður og einn farþegi áttu að vera í sóttkví frá 27.mars síðastliðnum,“ segir í Facebook-færslu lögreglu.

Ferðamennirnir hafi því átt eftir að klára sína sóttkví og gangast undir síðari sýnatöku. Þeir voru sektaðir um 50.000 krónur hvor fyrir brot sín.

Lögregla segir þá frá því að ferðamennirnir hafi sagst hafa farið að skoða sig um í Reynisfjöru og ekki komið nálægt öðru fólki.

Ferðamennska á Íslandi Lögreglumál Faraldur kórónuveiru (COVID-19) Mýrdalshreppur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið