Uppskriftina að afmæliskökunni í þættinum má finna hér fyrir neðan. Eva Laufey mælir með því að gera þrjá botna í þremur 20 cm kökuformum. 

Hráefni:

• 170 g smjör MS, við stofuhita
• 550 g sykur
• 5 stk egg
• 380 g hveiti
• 2 tsk lyftiduft
• 1 tsk salt
• 1 dl hrein ab mjólk frá MS
• 1 dl nýmjólk
• 2 tsk vanilludropar
• 1 dl sprinkles (litríkt kökuskraut)

Aðferð:

1. Hitið ofninn í 180°C (blástur).
2. Smyrjið formin og setjið smjörpappír í botninn.
3. Þeytið saman sykur og smjör þar til blandan verður létt og ljós.
4. Blandið eggjum saman við, einu í einu og þeytið vel á milli.
5. Sigtið þurrefnin saman og hrærið vel.
6. Hellið ab mjólkinni, mjólkinni og vanilludropum saman við og hrærið.
7. Í lokin hellið þið litríku kökuskrauti út í og hrærið saman við deigið með sleikju.
8. Smyrjið tvö form og setjið smjörpappír í botninn á tveimur hringlaga formum.
9. Hellið deiginu jafnt í formin og bakið við 180°C, blástur í 20 – 22 mínútur.
10. Kælið botnana áður en þið setjið kremið á.
11. Setjið krem á milli botnanna og þekjið kökuna með kremið (sjá fyrir neðan).

Hvítt súkkulaðikrem

• 500 g smjör, við stofhita
• 500 g flórsykur, við stofuhita
• 2 tsk vanilludropar
• 150 g hvítt súkkulaði
• Matarlitur að eigin vali
• Skraut að eigin vali

Aðferð:

1. Þeytið smjör í nokkrar mínútur þar til það er orðið létt og ljóst, bætið flórsykrinum saman við í nokkrum skömmtum og þeytið áfram.
2. Bræðið hvítt súkkulaði yfir vatnsbaði og hellið út í deigið, haldið áfram að þeyta.
3. Litið gjarnan kremið að vild með matarlit að eigin vali.

Brot úr þættinum má sjá í spilaranum hér fyrir neðan. 

Í þáttunum Blindur bakstur fá keppendur hvorki að vita hvað þau eiga að baka né hvað uppskriftin inniheldur, þau þurfa algjörlega að fylgja leiðbeiningum Evu í blindni. Í lokin eru kökurnar svo skoðaðar og bornar saman við köku Evu Laufeyjar, sem svo fær að velja hvor þáttakandi stóð sig betur í að baka í blindni. Þættirnir eru sýndir á laugardagskvöldum á Stöð 2.