Innlent

Enginn skjálfti yfir þremur í nótt

Sunna Kristín Hilmarsdóttir skrifar
Áfram er jarðskjálftavirkni við Fagradalsfjall.
Áfram er jarðskjálftavirkni við Fagradalsfjall. Vísir/Vilhelm

Frá miðnætti hafa mælst rúmlega 600 jarðskjálftar á Reykjanesskaganum en enginn þeirra hefur verið stærri en þrír.

Tveir skjálftar mældust 2,9 að stærð. Annar þeirra varð klukkan 01:23 um tvo kílómetra norðaustur af Grindavík og hinn varð klukkan 04:53 rétt suðvestur af Keili að því er segir í tilkynningu frá náttúruvárvakt Veðurstofu Íslands. Var virknin í nótt mest í Fagradalsfjalli og rétt austan við Þorbjörn.

Alls mældust um 2000 jarðskjálftar á Reykjanesskaga í gær, 15. mars. Sá stærsti varð klukkan 22.31 og mældist 4,3 að stærð. Hann átti upptök sín við norðvestanvert Fagradalsfjall.

Elísabet Pálmadóttir, náttúruvársérfræðingur á Veðurstofu Íslands, segir að enginn órói hafi mælst á svæðinu í nótt og þá séu engin merki um að eldgos sé hafið.

Í gærkvöldi fór gervitungl yfir skagann og smellti af mynd. Niðurstöður úr þeirri myndatöku ættu að koma í dag. Vísindaráð almannavarna kemur saman til fundar eftir hádegi til að fara yfir stöðuna.

Eldgos og jarðhræringar Jarðhræringar á Reykjanesi
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið