Fótbolti

Sjóðandi heitur Robert Lewandowski

Hjörtur Leó Guðjónsson skrifar
Robert Lewandowski hefur raðað inn mörkum seinustu ár.
Robert Lewandowski hefur raðað inn mörkum seinustu ár. EPA-EFE/ALEXANDER HASSENSTEIN

Pólski framherjinn Robert Lewandowski hefur verið sjóðandi heitur síðustu misseri. Eftir þrennuna sem hann skoraði geng Dortmund í kvöld er hann kominn með 31 mark í 23 leikjum í þýsku úrvalsdeildinni.

Margir eru sammála um það að Robert Lewandowski hafi verið illa svikinn þegar að Bollon d'Or verðlaunin voru ekki veitt í fyrra. Pólski framherjinn hefur verið algjörlega óstöðvandi og það er áhugavert að skoða smá tölfræði seinustu ára.

Síðan tímabilið 2018/2019 hafðist hefur þessi 32 ára framherji skorað 132 mörk. Til samanburðar hefur Lionel messi skorað 106 mörk og Cristiano Ronaldo skorað 92 mörk, en þeir tveir eru af mörgum taldir með bestu fótboltamönnum sögunnar.

Erling Braut Haaland er óumdeilanlega einn af efnilegri framherjum heims og hefur farið mikinn í þýsku úrvalsdeildinni síðan hann gekk til liðs við Borussia Dortmund. Hann vonaðist líklega til þess að eggið gæti kennt hænunni þegar hann skoraði tvö mörk á fyrstu tíu mínútunum gegn Bayern í gærkvöldi, en Lewandowski tók sig til og sýndi stráknum hvernig þetta er gert. Pólverjinn innsiglaði þrennuna þegar skammt lifði leiks og þar með var sigur Bayern unnin.

Það verður spennandi að sjá hvort að Lewandowski fái verðlaunin sem svo margir vilja meina að hann eigi skilið. Það á enn eftir að spila fullt af fótbolta áður en verðlaunin eru veitt, og fólk skal ekki láta sér bregða þó kunnuleg andlit komi fyrir í þegar atkvæðin eru talin.


Tengdar fréttir

Robert Lewandowski með þrennu í Der Klassiker

Bayern Munich og Borussia Dortmund áttust við í stórleik helgarinnar í þýska boltanum. Niðurstaðan 4-2 sigur heimamanna, en gestirnir skoruðu fyrstu tvö mörk leiksins á fyrstu 10 mínútunum.




Fleiri fréttir

Sjá meira


×