Fótbolti

Albert spilaði allan leikinn í sigri á Feyenoord

Arnar Geir Halldórsson skrifar
Albert Guðmundsson.
Albert Guðmundsson. vísir/getty

Íslenski landsliðsmaðurinn Albert Guðmundsson var í byrjunarliði AZ Alkmaar þegar liðið tók á móti Feyenoord í hollensku úrvalsdeildinni í fótbolta í dag.

Þrjú stig skildu liðin að í 3. og 5.sæti deildarinnar þegar kom að leik dagsins og úr varð hörkuleikur.

Feyenoord komst í forystu í tvígang í fyrri hálfleik en Myron Boadu jafnaði leikinn jafnharðan fyrir heimamenn í AZ og staðan í leikhléi 2-2.

Boadu fullkomnaði þrennu sína og kom AZ í forystu á 64.mínútu. Fyrirliðinn Teun Koopmeiners gulltryggði svo mikilvægan sigur heimamanna með marki úr vítaspyrnu á 76.mínútu. Lokatölur 4-2 fyrir AZ Alkmaar.

Albert lék allan leikinn á miðju AZ sem er nú átta stigum á eftir toppliði Ajax.

Ajax og PSV Eindhoven mættust í uppgjöri tveggja efstu liða deildarinnar fyrr í dag og lauk leiknum með 1-1 jafntefli 




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.