Jarðskjálfti 4 að stærð við Fagradalsfjall

Vésteinn Örn Pétursson skrifar 28. febrúar 2021 07:57

Upptök skjálftanna voru nærri Fagradalsfjalli á Reykjanesi.

Jarðskjálfti í kring um 4 að stærð varð 2,5 kílómetra norðaustur af Fagradalsfjalli klukkan 07:54 í morgun.

Samkvæmt upplýsingum frá Veðurstofu Íslands liggur stærð skjálftans ekki endanlega fyrir en verið er að fara yfir gögn honum tengd.

Skjálftinn fannst greinilega á Reykjanesskaga og víðar, til að mynda á höfuðborgarsvæðinu, en heldur færri tilkynningar hafa borist Veðurstofu vegna skjálftans nú í morgun heldur en annarra skjálfta síðustu daga.

Viðmælandi Vísis hjá Veðurstofu segir það kunna að vera merki um að landsmenn á og í grennd við Reykjanesskaga séu hreinlega orðnir vanir þeim jarðhræringum sem hafa verið viðvarandi síðustu daga.

Fréttin hefur verið uppfærð.

Jarðhræringar á Reykjanesi

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.