Einn greindist innanlands og fimm á landamærum

Atli Ísleifsson skrifar 5. febrúar 2021 11:01

Bólusetningu er nú lokið hjá alls 4.853 einstaklingum, en hafin hjá 7.805 til viðbótar. Vísir/Vilhelm

Einn greindist með kórónuveiruna innanlands í gær. Sá sem greindist var í sóttkví. Fimm greindust á landamærum.

Þetta kemur fram í uppfærðum tölum á síðunni covid.is. Þrettán eru nú á sjúkrahúsi vegna Covid-19, sami fjöldi og í gær.

Fimm greindust smitaðir á landamærum í gær – tveir með virkt smit í seinni landamæraskimun, tveir mældust með mótefni og er niðurstöðu mótefnamælingar beðið í tilviki eins.

33 manns eru nú í einangrun, samanborið við 33 í gær. Þá eru 24 í sóttkví í dag, samanborið við 21 í gær. 824 eru nú í skimunarsóttkví.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur, er nú 3,8, en var 3,5 í gær. Nýgengi landamærasmita er nú 7,1, en var 6,5 í gær.

Alls hafa 6.021 manns greinst með kórónuveiruna hér á landi frá því faraldurinn hófst í lok febrúar. Þá hafa 29 dauðsföll verið rakin til Covid-19 á Íslandi frá upphafi faraldursins.

Alls voru tekin 747 einkennasýni hjá sýkla- og veirufræðideild Landspítalans og Íslenskri erfðagreiningu í gær og 559 sýni á landamærunum eða í seinni landamæraskimun.

Bólusetningu er nú lokið hjá alls 4.853 einstaklingum, en hafin hjá 7.805 til viðbótar.

Fréttin verður uppfærð.

Faraldur kórónuveiru (COVID-19)

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.