Innlent

Tveir greindust innan­lands og fimmtán á landamærum

Atli Ísleifsson skrifar
Alls hafa rúmlega 5.800 manns greinst með kórónuveiruna hér á landi frá upphafi faraldursins.
Alls hafa rúmlega 5.800 manns greinst með kórónuveiruna hér á landi frá upphafi faraldursins. Vísir/Vilhelm

Tveir greindust með kórónu­veiruna innan­lands í gær. Báðir voru þeir í sóttkví. Fimmtán greindust á landamærum.

Þetta kemur fram í uppfærðum tölum á síðunni covid.is. Alls eru tuttugu nú á sjúkrahúsi vegna Covid-19 og þar af enginn á gjörgæslu. Er um sama fjölda að ræða og í gær.

Alls greindust fimmtán manns á landamærum. Voru níu með virkt smit í fyrri landamæraskimun og er niðurstöðu mótefnamælingar beðið í tilvikum sex.

134 manns eru nú í einangrun, en fjöldinn var 126 í gær. Þá eru 332í sóttkví í dag, samanborið við 279 í gær. Þá eru 2734 nú í skimunarsóttkví, samanborið við 2.725 í gær.

Af þeim tveimur sem greindust í gær greindist einn eftir svokallaða einkennasýnatöku og einn í sóttkvíar og handahófsskimun.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur, er nú 19,6, en var 19,9 í gær. Þá er nýgengi landamærasmita nú 19,6, en var 17,5 í gær.

Alls hafa 5.867 manns greinst með kórónuveiruna hér á landi frá því faraldurinn hófst í lok febrúar. Þá hafa 29 dauðsföll verið rakin til Covid-19 á Íslandi frá upphafi faraldursins.

Alls voru tekin 687 einkennasýni hjá sýkla- og veirufræðideild Landspítalans og Íslenskri erfðagreiningu í gær og 1.220 sýni á landamærunum eða í seinni landamæraskimun.

Fréttin hefur verið uppfærð.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.