París vinnur alltaf

Það er nokkuð útbreidd skoðun að París Hilton sé fræg fyrir að vera fræg. Og hún er fjölmiðlamatur á hverjum einasta degi. Associated Press fréttastofan ákvað að athuga hvað gerðist ef hún hætti, í eina viku, að minnast á stúlkuna einu einasta orði.

Fréttastofan stóð við það í heila viku, en það varð þó ekki til þess að minnka umfjöllun um París. Aðrir fjölmiðlar fréttu hinsvegar af þessari ákvörðun Associated Press og hún vakti gríðarlega umræðu. Jafnvel í virðulegustu blöðum eins og New York Times og Washington Post.

Það var semsagt fjallað um að ekki væri fjallað um París Hilton, í fjölmiðlum frá Tjæreborg til Tokyo. Og til Íslands, hér með.