Ísland í 7. sæti yfir þær þjóðir sem horfa hlutfallslega mest á klám

Í gegnum tíðina hafa Íslendingar getað stært sig af því að vera ofarlega á fjölda heimslista sé litið til höfðatölu. Í dag bættumst við á enn einn slíkan topp tíu lista því sé litið til höfðatölu erum við í 7. sæti yfir þær þjóðir sem horfa mest á klám.

Þetta er meðal þess sem lesa má úr árslista klámsíðunnar Pornhub. Í efstu tíu sætunum eru, auk Íslands, Bandaríkin og Kanada, Ástralía og Nýja-Sjáland, Bretland og Írland og Norðurlandaþjóðirnar Noregur, Svíþjóð og Danmörk.

Á árinu 2015 var horft á 4.392.486.580 klukkustundir af klámi á síðunni Pornhub einni og sér. Það jafngildir rúmlega 500.000 árum. Til samanburðar þá kom tegundin homo sapiens sapiens fyrst fram á sjónarsviðið fyrir um 200.000 árum.

Flestar heimsóknir á síðuna koma frá Bandaríkjunum en Bandaríkin eru með fleiri heimsóknir en næstu þrjár þjóðir, Bretland, Indland og Kanada, til saman. Meðal Bandaríkjamaðurinn ver einnig næstlengstum tíma inn á síðunni eða tæpum tíu mínútum. Aðeins Filippseyingar endast lengur eða í tæpar þrettán. Kúbverjar, Mongólar og Kasakar endast hins vegar styst.

Fjórði hver notandi kvenkyns

Vinsælasta leit ársins var eftir lesbíuklámi en það velti leitarorðinu „teen“ (táningur) þar með úr sessi. Leitarorðið var meðal annars vinsælast í Bandaríkjunum, Ástralíu, Kanada og Íslandi. Rússar, Frakkar og Argentínumenn leita hins vegar mest að myndböndum sem innihalda endaþarmsmök. Þjóðverjar, Svíar, Pólverjar og Indverjar leita mest að táningum.

Að meðaltali er einn fjórði af heimsóknum síðunnar frá kvenmönnum. Hæst er hlutfallið í Jamaíka, 44 prósent, og Níkaragva, Hondúras og Ekvador en þar eru tvær af hverjum fimm heimsóknum frá konum. Konur virðast leita mest að lesbíuklámi en það er vinsælasta leitarorð þeirra. Talsvert á eftir fylgir leit að þrekanti. Karlmenn leita oftast að stjúpmæðrum eða táningum.

Athyglisverður munur er á milli kynjanna þegar litið leita tengdum myndböndum þar sem karlmaður veitir konu munnmök en konur leita 934 prósent oftar að slíkum myndböndum. Sú kona sem oftast var leitað að var raunveruleikastjarnan Kim Kardashian en hún hoppar upp um sjö sæti milli ára. James Deen vermir toppsætið karlamegin.

Niðurstöður athugunarinnar má sjá í heild sinni hér. Þar má einnig sjá úr hvers kyns tækjum fólk skoðar síðuna, á hvaða aldursbili það er og hvaða dagar eru vinsælastir til áhorfs.