Noregur tapaði í Suður-Afríku

Egil Drillo Olsen náði ekki að fylgja eftir góðum sigri á Þýskalandi í dag er norska landsliðið tapaði fyrir Suður-Afríku á útivelli, 2-1.

Drillo varð þjóðhetja í Noregi er hann stýrði sínum mönnum til sigurs í Þýskalandi í vináttulandsleik en það var í fyrsta sinn í um 70 ár sem Norðmenn vinna Þjóðverja.

Í dag urðu Norðmenn hins vegar að játa sig sigraða. Bernard Parker kom Suður-Afríku yfir á 7. mínútu en Morten Gamst Pedersen jafnaði metin 20 mínútum síðar.

Sigurmarkið kom svo á lokamínútu leiksins en þar var Siphiwe Tshabalala að verki.