Menning

Hótel Volkswagen

Tinni Sveinsson skrifar
Höfundurinn Jón Gnarr tekur sjálfur þátt í leiklestri Hótel Volkswagen í kvöld.
Höfundurinn Jón Gnarr tekur sjálfur þátt í leiklestri Hótel Volkswagen í kvöld. Borgarleikhúsið

Í kvöld klukkan 20 verður beint streymi frá leiklestri á leikritinu Hótel Volkswagen eftir Jón Gnarr.

Jón Gnarr mun sjálfur taka þátt í leiklestrinum og ásamt honum verða leikararnir Bergur Þór Ingólfsson, Halldór Gylfason, Hallgrímur Ólafsson, Haraldur Ari Stefánsson og Vala Kristín Eiríksdóttir.

Verkið var upphaflega frumsýnt í Borgarleikhúsinu í mars 2012 í leikstjórn Benedikts Erlingssonar. Streymið hefst klukkan 20 og verður þá aðgengilegt í spilaranum hér fyrir neðan.

Uppfært: Útsendingin er búin en hér má sjá upptöku.

Klippa: Hótel Volkswagen

Framundan hjá Borgó í beinni

Á morgun, föstudag klukkan 12, verða tónleikar með Bubba Morthens í beinni frá Stóra sviði Borgarleikhússins þar sem hann mun leika nokkur af sínum bestu lögum og segja sögur um tilurð laganna.

Laugardagar eru tileinkaðir ungu kynslóðinni í streymi Borgarleikhússins. Á laugardaginn klukkan 12 mun leikkonan Katla Margrét Þorgeirsdóttir les söguna um Greppikló.

Þann sama dag klukkan 14 verður eitthvað fyrir þá sem hafa gaman að spilum eða tölvuleikjum því leikarar í Borgarleikhúsinu ætla að spila saman Dungeons and Dragons.

Á sunnudag er síðan komið að stórsýningunni Ríkharður III en hún verður sýnd klukkan 20 um kvöldið.

Fleira skemmtilegt efni frá Borgarleikhúsinu má sjá á Instagram og Facebook-síðum leikhússins en þær síður eru uppfærðar nær daglega með efni tengdu starfsemi og sýningum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.