Formúla 1

Lewis Hamilton með COVID-19 og missir af næsta kappakstri

Óskar Ófeigur Jónsson skrifar
Lewis Hamilton tryggði sér sinn sjöunda heimsmeistaratitil á dögunum.
Lewis Hamilton tryggði sér sinn sjöunda heimsmeistaratitil á dögunum. Getty/Bryn Lennon

Nýkrýndur heimsmeistari í formúlu eitt verður fjarri góðu gamni í Barein kappakstrinum um næstu helgi.

Lewis Hamilton er fyrir löngu búinn að tryggja sér heimsmeistaratitilinn í formúlu eitt sem er kannski eins gott fyrir hann því hann má ekki taka þátt í Barein kappakstrinum um næstu helgi.

Lewis Hamilton er kominn með kórónuveiruna og er því farinn í einangrun.

Liðið hans Mercedes segir að Hamilton hafi vaknað upp með væg einkenni á mánudaginn og hafi síðan fengið jákvæðar niðurstöður úr tveimur prófum.

Mercedes er ekki búið að tilkynna það hver keyrir bíl Lewis Hamilton í Barein kappakstrinum um næstu helgi.

Hinn 35 ára gamli Lewis Hamilton fór í þrjú kórónuveirupróf í síðustu viku þar á meðal á sunnudaginn en öll voru þau neikvæð.

Aðili sem hafði umgengist Lewis Hamilton fyrir síðasta sunndag hefur einnig greinst með veiruna og er líklegt að Hamilton hafi fengið hana þaðan.

Lewis Hamilton er þriðji formúlu eitt ökumaðurinn til að fá kórónuveiruna en hinir eru þeir Sergio Perez og Lance Stroll.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.