Fótbolti

Íslensku stelpurnar þurfa að fara yfir landamærin til þess að geta æft

Óskar Ófeigur Jónsson skrifar
Barbára Sól Gísladóttir með þeim Alexöndru Jóhannsdóttur og Guðnýju Árnadóttur á æfingu liðsins í Austurríki.
Barbára Sól Gísladóttir með þeim Alexöndru Jóhannsdóttur og Guðnýju Árnadóttur á æfingu liðsins í Austurríki. KSÍ

Íslenska kvennalandsliðið í knattspyrnu er á fullu að undirbúa sig fyrir tvo mikilvæga leiki í undankeppni EM á næstunni en stelpurnar þurfa líka að tipla í kringum COVID-19 reglur úti.

Íslensku stelpurnar geta tryggt sér sæti á Evrópumótinu í Englandi með því að vinna báða leikina en úrslitakeppnin hefur verið færð til sumarsins 2022.

Íslensku stelpurnar komu til Slóvakíu á sunnudaginn en fyrri leikurinn er í Slóvakíu er á fimmtudaginn í Senec og hefst klukkan 17.00. Ísland mætir svo Ungverjalandi í Búdapest þriðjudaginn 1. desember og hefst sá leikur kl. 14:30 að íslenskum tíma.

Sóttvarnarreglur hafa auðvitað sett strik í reikninginn í undirbúningi íslenska liðsins fyrir þessa leiki enda hafa engir leikir farið fram í Pepsi Max deildinni síðan í byrjun október. Síðastu leikur margra í hópnum var því síðasti leikur liðsins í undankeppninni.

Sóttvarnarreglur í Slóvakíu hafa einnig áhrif á undirbúning íslenska liðsins. Íslensku landsliðsstelpurnar þurfa nefnilega að fara yfir landamærin til þess að fara á æfingar í aðdraganda leiksins.

Bækistöðvar Íslands eru í Bratislava en vegna landslaga í Slóvakíu þarf íslenska liðið að æfa hinum megin við landamærin í Austurríki. Íslenski hópurinn hefur þar fengið aðstöðu hjá SV Hundsheim.

Þess má geta að íslenska karlalandsliðið í körfubolta er einnig í Bratislava þar sem þeir mæta Lúxemborg á fimmtudaginn og Kosóvó á laugardaginn. Í ljósi aðstæðna vegna Covid-19 eru bæði lið í sinni búbblu, á sitthvoru hótelinu.

Preparation has started for Thursdays match against Slovakia in the @uefawomenseuro qualifiers. #LeiðinTilEnglands #dottir

Posted by KSÍ - Knattspyrnusamband Íslands on Þriðjudagur, 24. nóvember 2020



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.