Talið að lög hafi verið brotin í flugmáli og bæjarstjórinn áhyggjufullur Sunna Karen Sigurþórsdóttir skrifar 12. nóvember 2020 19:01 Rebekka Hilmarsdóttir hefur kallað eftir upplýsingum um hvort þjónusta við Vestfirðinga verði skert. Þjónustan sé mikilvæg - óháð því hver veitir hana. Vísir/Egill Kærunefnd útboðsmála telur að Vegagerðin hafi brotið gegn lögum um opinber innkaup með samningum sínum við Norlandair um flugleiðir til og frá Bíldudal. Bæjarstjóri Vesturbyggðar hefur áhyggjur af því að verið sé að skerða þjónustu á Vestfjörðum. Vegagerðin gekk frá samningum við Norlandair um áætlunarflug til Bíldudals og Gjögurs og við Flugfélagið Erni um flug milli Reykjavíkur og Hafnar í kjölfar útboðs um flugleiðirnar þrjár. Flugfélagið Ernir hafði þá kært ákvörðun um að taka tilboði Norlandair með vísan til þess að vélar þeirra uppfylli ekki þau skilyrði sem lögð hafi verið til grundvallar í útboðinu. Í ákvörðun kærunefndar útboðsmála segir að af gögnum málsins verði ráðið að Norlandair hafi ekki búið yfir vél sem hafi uppfyllt sett skilyrði. Eins og málið liggi fyrir sé útlit fyrir að brotið hafi verið gegn lögum um opinber innkaup. Samtök atvinnurekenda á sunnanverðum Vestfjörðum hafa mótmælt því að annað flugfélag en Ernir, sem hafi þjónað Vestfirðingum í 50 ár, taki við þessum flugleiðum og sent samgönguráðherra bréf þess efnis. „Það er annars vegar um að ræða litla sjö manna vél með jafnþrýstibúnaði og síðan er eldgömul vél sem er bara ótrúlegt að menn skuli bjóða upp á og það veldur okkur mikilli óánægju,“ segir Sigurður Viggósson, formaður Samtaka atvinnurekenda á sunnanverðum Vestfjörðum, sem telur að fraktflutningar komist í uppnám samhliða þessum breytingum. „Vélarnar rétt ná að hafa pláss fyrir farangur farþega en ekkert umfram það,“ segir hann. Allar kröfur standist Í yfirlýsingu sem Norlandair sendi fréttastofu er þessu alfarið hafnað - hafið sé yfir allan vafa að tækjabúnaður sé góður og standist allar kröfur, en yfirlýsinguna má sjá í heild neðst í þessari frétt. Vegagerðin hefur sömuleiðis sent frá sér tilkynningu þar sem segir að Norlandair hafi uppfyllt öll skilyrði. „Það er annars vegar um að ræða litla sjö manna vél með jafnþrýstibúnaði og síðan er eldgömul vél sem er bara ótrúlegt að menn skuli bjóða upp á," segir Sigurður Viggósson.Vísir/Egill Rebekka Hilmarsdóttir, bæjarstjóri Vesturbyggðar, segist ekki hafa fengið að vita af þessum breytingum fyrr en nýlega. Hún hyggst kalla eftir upplýsingum um málið. „Þetta kom mjög snöggt upp. Við fengum lítið að heyra af þessu fyrr en bara fyrir örfáum dögum síðan,“ segir hún. „Þessi flugmál valda okkur töluverðum áhyggjum, sérstaklega ef rétt reynist að það sé verið að skerða þjónustu. Við höfum svo sem ekki fengið staðfest að svo sé en höfum átt í góðu samtali við Vegagerðina og umhverfis- og samgöngunefnd þingsins um þetta mál,“ segir Rebekka en málið var tekið fyrir á fundi samgöngunefndar Alþingis í morgun. Rebekka tekur fram að mikilvægast sé að Vestfirðingar fái þessa þjónustu – óháð því hvaðan hún kemur. Yfirlýsing Norlandair er eftirfarandi: Vegna yfirlýsingar Samtaka atvinnurekenda á sunnanverðum Vestfjörðum (SASV), sér Norlandair sig knúið til að leiðrétta rangfærslur sem þar birtast. Norlandair rekur 5 flugvélar og hefur sinnt áætlunarflugi fyrir Vegagerðina í 12 ár, auk leigu- og sjúkraflugs á N-Atlantshafinu. Félagið er skuldlaust og með milljarð í eigið fé. Rætur þess liggja í Flugfélagi Norðurlands sem rann saman við Flugfélag Íslands (nú Air Iceland Connect) árið 1997. Gott samstarf hefur verið milli Flugfélags Íslands / AIC frá þeim tíma sem Norlandair tók á sig mynd árið 2008. Félagið hefur ávallt verið rekið með hagnaði f og verið eitt af Framúrskarandi fyrirtækjum Creditinfo frá stofnun. Norlandair skrifaði nýlega undir samning við Vegagerðina að undangengu útboði sem opnað var 20. apríl s.l. Í útboðsskilmálum koma fram kvaðir um hæfi bjóðenda, þ.m.t. fjárhagsleg skilyrði sem eru ófrávíkjanleg, s.s. jákvætt eigið fé og geta til að inna samningskyldur af hendi, auk kvaða um gæði búnaðar sem nota skal við þjónustuna. Norlandair uppfyllir öll skilyrði mjög rúmlega. Rangfærslur SASV snúa að tækjabúnaði félagsins. Til stendur að nota nýlega 9 sæta Beechcraft B200 King Air, sem búin er jafnþrýstibúnaði. Jafnframt verður notast við Dash 8-200, sem er 37 sæta, þegar og ef þörf krefur. Að auki býr félagið yfir þremur Twin Otter flugvélum sem þykja einstaklega hentugar við erfiðustu skilyrði á norðurslóðum, en þær vélar notast félagið mest við á Grænlandi. Á vormánuðum var félagið komið langt með að tryggja sér Dash 8 flugvél, en þau áform frestuðust sökum COVID-19. Það er hafið yfir allan vafa að tækjabúnaður sem notast verður við er mjög góður og stenst allar kröfur. Við hlökkum til að taka flugið og til samstarfsins við íbúa Vestfjarða. Fréttir af flugi Vesturbyggð Árneshreppur Byggðamál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Ef stelpur byrja ungar á blæðingum er það fyrsta flaggið“ Innlent Halda andlitinu í skólanum en hrynja niður heima Innlent Myndband af þjófunum í Hamraborg í fréttum Stöðvar 2 Innlent Myndband sýnir þjófana í Hamraborg hafa lítið fyrir hlutunum Innlent Katrín leiðir og hefur tölfræðilega marktækt forskot á Baldur Innlent Læknir langþreyttur á skriffinnsku: „Mér líður oft eins og Indriða í Fóstbræðrum“ Innlent Hafa vitneskju um mögulegan dvalarstað Íslendings sem flýr réttvísina Erlent Kíghósti hefur náð útbreiðslu á höfuðborgarsvæðinu Innlent Ákærður fyrir að nota slagorð SS-sveitanna á fjöldafundi Erlent Útsendarar Rússa sakaðir um skipulagningu árása í Þýskalandi Erlent Fleiri fréttir Landris stöðugt og hraunbreiðan sex ferkílómetrar Katrín á toppnum um allt land Opna miðstöð fyrir palestínsk börn Íslenska landslagið ómetanlegt fyrir manninn með loftnet í höfuðkúpunni Myndband sýnir þjófana í Hamraborg hafa lítið fyrir hlutunum Greiðir 2000 krónur á dag í vexti á meðan beðið er eftir Þórkötlu Myndskeið úr Hamraborg og maður sem heyrir liti með loftneti Kíghósti hefur náð útbreiðslu á höfuðborgarsvæðinu Myndband af þjófunum í Hamraborg í fréttum Stöðvar 2 Bein útsending: Hvernig er best að reka heilbrigðisþjónustu? Helga gert að rannsaka slysasleppingarnar Kjarnorkuknúinn kafbátur í stuttri heimsókn Halda andlitinu í skólanum en hrynja niður heima „Sérlega sérstakur“ hellir í Mývatnssveit áfram lokaður Læknir langþreyttur á skriffinnsku: „Mér líður oft eins og Indriða í Fóstbræðrum“ Rúmlega sjö hundruð Grindvíkingar vilja selja Forsetaframbjóðendur í Pallborðinu klukkan 13 á morgun Fylgi forsetaframbjóðenda, mótmæli Grindvíkinga og einhverfa barna Liður í uppbyggingunni að fólk geti sest niður og unnið úr áfallinu Cyrus og Herkúles fá já en Bergman bannaður Dæmdur fyrir árásina í Úlfarsárdal Katrín leiðir og hefur tölfræðilega marktækt forskot á Baldur „Ef stelpur byrja ungar á blæðingum er það fyrsta flaggið“ Tvö flutt á slysadeild eftir bílveltu Jón Jónsson kemur nýr inn í stjórn Boða til fundar til að ræða framtíð MÍR eftir dómsmál Fjölgun ofbeldisbrota gegn lögreglu og öðrum opinberum starfsmönnum Ritskoðun bjóra: „Þetta er gert fyrir börnin“ Steingrímur J og Njáll Trausti sameinast í orkuvæðingu norðausturhornsins Flóttamenn tóku forskot á stóra plokkdaginn Sjá meira
Kærunefnd útboðsmála telur að Vegagerðin hafi brotið gegn lögum um opinber innkaup með samningum sínum við Norlandair um flugleiðir til og frá Bíldudal. Bæjarstjóri Vesturbyggðar hefur áhyggjur af því að verið sé að skerða þjónustu á Vestfjörðum. Vegagerðin gekk frá samningum við Norlandair um áætlunarflug til Bíldudals og Gjögurs og við Flugfélagið Erni um flug milli Reykjavíkur og Hafnar í kjölfar útboðs um flugleiðirnar þrjár. Flugfélagið Ernir hafði þá kært ákvörðun um að taka tilboði Norlandair með vísan til þess að vélar þeirra uppfylli ekki þau skilyrði sem lögð hafi verið til grundvallar í útboðinu. Í ákvörðun kærunefndar útboðsmála segir að af gögnum málsins verði ráðið að Norlandair hafi ekki búið yfir vél sem hafi uppfyllt sett skilyrði. Eins og málið liggi fyrir sé útlit fyrir að brotið hafi verið gegn lögum um opinber innkaup. Samtök atvinnurekenda á sunnanverðum Vestfjörðum hafa mótmælt því að annað flugfélag en Ernir, sem hafi þjónað Vestfirðingum í 50 ár, taki við þessum flugleiðum og sent samgönguráðherra bréf þess efnis. „Það er annars vegar um að ræða litla sjö manna vél með jafnþrýstibúnaði og síðan er eldgömul vél sem er bara ótrúlegt að menn skuli bjóða upp á og það veldur okkur mikilli óánægju,“ segir Sigurður Viggósson, formaður Samtaka atvinnurekenda á sunnanverðum Vestfjörðum, sem telur að fraktflutningar komist í uppnám samhliða þessum breytingum. „Vélarnar rétt ná að hafa pláss fyrir farangur farþega en ekkert umfram það,“ segir hann. Allar kröfur standist Í yfirlýsingu sem Norlandair sendi fréttastofu er þessu alfarið hafnað - hafið sé yfir allan vafa að tækjabúnaður sé góður og standist allar kröfur, en yfirlýsinguna má sjá í heild neðst í þessari frétt. Vegagerðin hefur sömuleiðis sent frá sér tilkynningu þar sem segir að Norlandair hafi uppfyllt öll skilyrði. „Það er annars vegar um að ræða litla sjö manna vél með jafnþrýstibúnaði og síðan er eldgömul vél sem er bara ótrúlegt að menn skuli bjóða upp á," segir Sigurður Viggósson.Vísir/Egill Rebekka Hilmarsdóttir, bæjarstjóri Vesturbyggðar, segist ekki hafa fengið að vita af þessum breytingum fyrr en nýlega. Hún hyggst kalla eftir upplýsingum um málið. „Þetta kom mjög snöggt upp. Við fengum lítið að heyra af þessu fyrr en bara fyrir örfáum dögum síðan,“ segir hún. „Þessi flugmál valda okkur töluverðum áhyggjum, sérstaklega ef rétt reynist að það sé verið að skerða þjónustu. Við höfum svo sem ekki fengið staðfest að svo sé en höfum átt í góðu samtali við Vegagerðina og umhverfis- og samgöngunefnd þingsins um þetta mál,“ segir Rebekka en málið var tekið fyrir á fundi samgöngunefndar Alþingis í morgun. Rebekka tekur fram að mikilvægast sé að Vestfirðingar fái þessa þjónustu – óháð því hvaðan hún kemur. Yfirlýsing Norlandair er eftirfarandi: Vegna yfirlýsingar Samtaka atvinnurekenda á sunnanverðum Vestfjörðum (SASV), sér Norlandair sig knúið til að leiðrétta rangfærslur sem þar birtast. Norlandair rekur 5 flugvélar og hefur sinnt áætlunarflugi fyrir Vegagerðina í 12 ár, auk leigu- og sjúkraflugs á N-Atlantshafinu. Félagið er skuldlaust og með milljarð í eigið fé. Rætur þess liggja í Flugfélagi Norðurlands sem rann saman við Flugfélag Íslands (nú Air Iceland Connect) árið 1997. Gott samstarf hefur verið milli Flugfélags Íslands / AIC frá þeim tíma sem Norlandair tók á sig mynd árið 2008. Félagið hefur ávallt verið rekið með hagnaði f og verið eitt af Framúrskarandi fyrirtækjum Creditinfo frá stofnun. Norlandair skrifaði nýlega undir samning við Vegagerðina að undangengu útboði sem opnað var 20. apríl s.l. Í útboðsskilmálum koma fram kvaðir um hæfi bjóðenda, þ.m.t. fjárhagsleg skilyrði sem eru ófrávíkjanleg, s.s. jákvætt eigið fé og geta til að inna samningskyldur af hendi, auk kvaða um gæði búnaðar sem nota skal við þjónustuna. Norlandair uppfyllir öll skilyrði mjög rúmlega. Rangfærslur SASV snúa að tækjabúnaði félagsins. Til stendur að nota nýlega 9 sæta Beechcraft B200 King Air, sem búin er jafnþrýstibúnaði. Jafnframt verður notast við Dash 8-200, sem er 37 sæta, þegar og ef þörf krefur. Að auki býr félagið yfir þremur Twin Otter flugvélum sem þykja einstaklega hentugar við erfiðustu skilyrði á norðurslóðum, en þær vélar notast félagið mest við á Grænlandi. Á vormánuðum var félagið komið langt með að tryggja sér Dash 8 flugvél, en þau áform frestuðust sökum COVID-19. Það er hafið yfir allan vafa að tækjabúnaður sem notast verður við er mjög góður og stenst allar kröfur. Við hlökkum til að taka flugið og til samstarfsins við íbúa Vestfjarða.
Fréttir af flugi Vesturbyggð Árneshreppur Byggðamál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Ef stelpur byrja ungar á blæðingum er það fyrsta flaggið“ Innlent Halda andlitinu í skólanum en hrynja niður heima Innlent Myndband af þjófunum í Hamraborg í fréttum Stöðvar 2 Innlent Myndband sýnir þjófana í Hamraborg hafa lítið fyrir hlutunum Innlent Katrín leiðir og hefur tölfræðilega marktækt forskot á Baldur Innlent Læknir langþreyttur á skriffinnsku: „Mér líður oft eins og Indriða í Fóstbræðrum“ Innlent Hafa vitneskju um mögulegan dvalarstað Íslendings sem flýr réttvísina Erlent Kíghósti hefur náð útbreiðslu á höfuðborgarsvæðinu Innlent Ákærður fyrir að nota slagorð SS-sveitanna á fjöldafundi Erlent Útsendarar Rússa sakaðir um skipulagningu árása í Þýskalandi Erlent Fleiri fréttir Landris stöðugt og hraunbreiðan sex ferkílómetrar Katrín á toppnum um allt land Opna miðstöð fyrir palestínsk börn Íslenska landslagið ómetanlegt fyrir manninn með loftnet í höfuðkúpunni Myndband sýnir þjófana í Hamraborg hafa lítið fyrir hlutunum Greiðir 2000 krónur á dag í vexti á meðan beðið er eftir Þórkötlu Myndskeið úr Hamraborg og maður sem heyrir liti með loftneti Kíghósti hefur náð útbreiðslu á höfuðborgarsvæðinu Myndband af þjófunum í Hamraborg í fréttum Stöðvar 2 Bein útsending: Hvernig er best að reka heilbrigðisþjónustu? Helga gert að rannsaka slysasleppingarnar Kjarnorkuknúinn kafbátur í stuttri heimsókn Halda andlitinu í skólanum en hrynja niður heima „Sérlega sérstakur“ hellir í Mývatnssveit áfram lokaður Læknir langþreyttur á skriffinnsku: „Mér líður oft eins og Indriða í Fóstbræðrum“ Rúmlega sjö hundruð Grindvíkingar vilja selja Forsetaframbjóðendur í Pallborðinu klukkan 13 á morgun Fylgi forsetaframbjóðenda, mótmæli Grindvíkinga og einhverfa barna Liður í uppbyggingunni að fólk geti sest niður og unnið úr áfallinu Cyrus og Herkúles fá já en Bergman bannaður Dæmdur fyrir árásina í Úlfarsárdal Katrín leiðir og hefur tölfræðilega marktækt forskot á Baldur „Ef stelpur byrja ungar á blæðingum er það fyrsta flaggið“ Tvö flutt á slysadeild eftir bílveltu Jón Jónsson kemur nýr inn í stjórn Boða til fundar til að ræða framtíð MÍR eftir dómsmál Fjölgun ofbeldisbrota gegn lögreglu og öðrum opinberum starfsmönnum Ritskoðun bjóra: „Þetta er gert fyrir börnin“ Steingrímur J og Njáll Trausti sameinast í orkuvæðingu norðausturhornsins Flóttamenn tóku forskot á stóra plokkdaginn Sjá meira