Innlent

Alls greindust 29 með kórónu­veiruna innanlands í gær

Atli Ísleifsson skrifar
Um fimm þúsund manns hafa nú smitast af kórónuveirunni á Íslandi frá upphafi faraldursins. 72 prósent þeirra sem greindust í gær voru í sóttkví.
Um fimm þúsund manns hafa nú smitast af kórónuveirunni á Íslandi frá upphafi faraldursins. 72 prósent þeirra sem greindust í gær voru í sóttkví. Vísir/Vilhelm

Alls greindust 29 með kórónuveiruna innanlands í gær. 21 af þeim sem greindist í gær voru í sóttkví, eða 72 prósent. Átta þeirra sem greindust í gær voru utan sóttkvíar, eða 28 prósent.

Þetta kemur fram í uppfærðum tölum á vefnum covid.is. Alls er 71 nú á sjúkrahúsi vegna Covid-19, þar af þrír á gjörgæslu. Í gær voru 74 á sjúkrahúsi og fjórir á gjörgæslu.

Alls greinust níu á landamærum í gær. Var um eitt virkt smit að ræða og svo er niðurstöðu mótefnamælingar beðið í tilfellum átta.

798 manns eru nú í einangrun, samanborið við 859 í gær. Þá eru 1.851 í sóttkví í dag, samanborið við 2.083 í gær.

Af þeim 29 sem greindust innanlands í gær greindust 27 eftir að tekin voru svokölluð einkennasýni. Tveir greindust í svokallaðri sóttkvíar- og handahófsskimun.

Þriðja bylgjan.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur, er nú 183,5 en var 188,4 í gær. Þá er nýgengi landamærasmita nú 21,8, en var 21,5 í gær.

Nú hafa 4.989 manns greinst smitaðir af kórónuveiru frá upphafi faraldursins. Á síðunni segir ennfremur að af þeim veikst hafa af Covid-19 eru sautján nú látnir.

Alls voru tekin 1.315 einkennasýni hjá sýkla- og veirufræðideild Landspítalans og Íslenskri erfðagreiningu í gær og 560 sýni á landamærunum eða í seinni landamæraskimun. Þá voru 303 sýni tekin við sóttkvíar- og handahófsskimun og nítján í skimun á vegum Íslenskrar erfðagreiningar.

Fréttin hefur verið uppfærð.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×