Innlent

Gekk ber­serks­gang á heilsu­gæslu

Vésteinn Örn Pétursson skrifar
Manninum er meðal annars gefið að sök að hafa ráðist á lækni á heilsugæslunni á Reyðarfirði.
Manninum er meðal annars gefið að sök að hafa ráðist á lækni á heilsugæslunni á Reyðarfirði. Vísir/Vilhelm

Karlmaður sem gekk berserksgang á heilsugæslunni á Reyðarfirði í ágúst á síðasta ári hefur verið ákærður af Héraðssaksóknara, fyrir árás á opinberan starfsmann og eignaspjöll. Þetta kemur fram á vef Austurfréttar.

Þar segir einnig að í ákæru á hendur manninum komi fram að maðurinn hafi ítrekað sparkað í fótleggi læknis á heilsugæslunni, og stól sem lenti á fótum læknisins, sem slasaðist við það. Þá er manninum gefið að sök að hafa hótað lækninum lífláti, auk þess að hafa brotið stól og mynd sem hékk uppi á vegg stöðvarinnar. Eins er hann sagður hafa skemmt gluggatjöld.

Austurfrétt greinir frá því að maðurinn sé einnig ákærður fyrir líflátshótun í garð annars læknis, en hún er sögð hafa átt sér stað í fangelsinu á Hólmsheiði í desember á síðasta ári.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.