Innlent

Segir heilbrigðisráðherra hafa vitað af málinu síðan í febrúar

Berghildur Erla Bernharðsdóttir skrifar

Formaður MS-félagsins segir mannréttindi konu með MS fótum troðin þegar henni var synjað um heimaþjónustu og húsnæði. Heilbrigðisráðherra hafi lengi vitað af málinu og ekkert gert. Nú sé verið að skoða lagalega stöðu konunnar.

Við höfum undanfarið sagt frá máli Margrétar Sigríðar sem er með MS-taugasjúkdóminn en frá því í janúar hefur hún verið heimilislaus og var vistuð frísk á bráðadeild Landspítalans í næstum sjö mánuði og dvelur nú í bráðabirgðavistun á Droplaugastöðum sem lýkur í næsta mánuði. Björg Ásta Þórðardóttir formaður MS- félagsins segir félagið hafa verið í samtali við heilbrigðisráðherra strax í febrúar. 

„Við teljum að mannréttindi hennar hafi verið fótum troðin í marga mánuði núna. Mér hefur einhvern veginn þótt málið velkjast um í kerfinu og á meðan er konan föst í kerfinu húsnæðislaus í bráðum heilt ár. Þetta úrræðaleysi er algjört,“ segir Björg. 

Hún segir fleiri í sömu stöðu.

„Já því miður er það staðan, þetta er ekki einsdæmi. Þá teljum við mikilvægt að fá sérstaka lausn fyrir ungt fólk sem þarf á umönnun að halda að halda vegna fötlunar sinnar en eins og staða er núna þá er slíkt ekki fyrir hendi. Það eru t.d. 130 manns sem eru ennþá ungir, vistaðir á hjúkrunarheimilum þar sem langflestir aðrir íbúar eru komnir á eldri ár. Þetta þarf líka að laga því yngra fólk hefur allt aðrar þarfir en það sem er farið að eldast mikið,“ segir hún. 

Hún segir að verið sé að kanna hvort fara eigi lengra með mál Margrétar.

„Það er núna til skoðunnar og það er auðvitað Margrét Sigríður og hennar fólk sem tekur ákvörðun í framhaldinu en við munum styðja hana hvað sem hún ákveður í framhaldinu. 

Ms-félagið sendi frá sér áskorun til stjórnvalda í dag þar sem hvatt er til að lausn fáist í máli Margrétar.

Bergur Þorri Benjamínsson formaður Sjálfsbjargar hefur ekki séð annað eins dæmi.

Bergur Þorri Benjamínsson formaður Sjálfsbjargar hefur ekki séð annað eins dæmi og mál Margrétar Sigríðar.Vísir

„Þetta mál er held ég það svæsnasta sem ég hef heyrt eða lesið um af sambærilegum tilfellum. 

Hann segir mikilvægt að ríki og sveitarfélög vinni meira saman í lausn á slíkum málum. 

„Aðalmálið er að fjármagnið með einstaklingum má ekki stoppa því þá verður til stífla og vandinn flæðir út um allt. Það væri best er fjármagnið fylgdi hverjum einstakling en væri ekki á hendi opinberra aðila eins og nú er,“ segir hann.  

Fréttastofa leitaði viðbragða frá Heilbrigðisráðuneytinu í dag en fékk þær upplýsingar að þær bærust í næstu viku. 


Tengdar fréttir

MS- félagið skorar á stjórnvöld að leysa mál Margrétar

MS-félag Íslands segir að yfirvöldum hafi margítrekað verið bent á aðstæður Margrétar Sigríðar Guðmundsdóttur en hún hefur verið heimilislaus síðan í janúar. Félagið harmar stöðu hennar og telur nauðsynlegt að grípa strax til aðgerða. 

Kópavogsbær ætlar í samvinnu við ríki að reyna að útvega konunni þjónustu

Kópavogsbær hefur sent frá sér tilkynningu vegna málefna konu með MS- taugahrörnunarsjúkdóms sem var synjað um áframhald á heimaþjónustu hjá bænum. Þar kemur fram að bærinn telji óásættanlegt að fólk lendi á gráu svæði milli ríkis og sveitarfélaga. Bærinn ætli eftir bestu getu að reyna að verða viðkomandi úti um þá þjónustu sem hún á rétt á í samvinnu við ríkið. 

Baráttan við kerfið kláraði hjónabandið

Fyrrverandi eiginmaður konu með MS segir að allt hafi leikið í lyndi þar til henni var synjað um nauðsynlega heimilisþjónustu hjá Kópavogsbæ og ákveðið að hún ætti að fara á hjúkrunarheimili. Hann hafi ekki lengur bolmagn til að sinna þjónustu við hana, baráttan við kerfið hafi klárað hjónabandið.

Baráttan við kerfið kláraði hjónabandið

Fyrrverandi eiginmaður konu með MS segir að allt hafi leikið í lyndi þar til henni var synjað um nauðsynlega heimilisþjónustu hjá Kópavogsbæ og ákveðið að hún ætti að fara á hjúkrunarheimili. Hann hafi ekki lengur bolmagn til að sinna þjónustu við hana, baráttan við kerfið hafi klárað hjónabandið.

„Ég á hvergi heima og fer þá bara út á guð og gaddinn“

Tæplega sextug kona í hjólastól var meira og minna í einangrun á bráðadeild Landspítalans í sjö mánuði þar sem ekkert húsnæðisúrræði hefur fundist fyrir hana. Hún er nú í bráðabirgðavistun og gæti verið á leið á götuna.

„Búið að hafna mér milljón sinnum“

Ekki virðist hafa verið farið að lögum um þjónustu við fatlað fólk í máli konu sem segir að sveitarfélag hafi sagt upp heimaþjónustusamningi við sig. Þá hafi verið tekin ákvörðun án samráðs við hana að hún færi á hjúkrunarheimili.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.