Ellefu í sóttkví eftir smit starfsmanns Eirar

Atli Ísleifsson skrifar 24. september 2020 12:26

Ellefu eru í sóttkví eftir að starfsmaður á hjúkrunarheimilinu Eir í Grafarvogi í Reykjavík greindist með kórónuveiruna í gærkvöldi. Er um alls sjö íbúa og fjóra starfsmenn að ræða.

Þetta kemur fram í tilkynningu frá Eir. Þar segir að umræddur starfsmaður hafi síðast verið í vinnu á sunnudagskvöld.

„Gripið hefur verið til allrar varúðarráðstafana og þeir íbúar sem viðkomandi sinnti eru nú í sóttkví ásamt samstarfsmönnum til sunnudagsins 27.09.2020 að undangenginni venjubundinni skimum á 7. degi frá útsetningu.

7 íbúar eru í sóttkví
4 starfsmenn eru í sóttkví

Aðstandendum þessara 7 íbúa hefur öllum verið tilkynnt um aðstæður.

Til að gæta fyllsta öryggis er öll deildin, 2. Hæð Eirar A-húsi lokuð fyrir heimsóknum á meðan á sóttkvi stendur,“ segir í tilkynningunni.

Faraldur kórónuveiru (COVID-19) Reykjavík Eldri borgarar

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.