Innlent

Varð undir bíl á verkstæði og lést

Kristín Ólafsdóttir skrifar
Slysið varð á Hellissandi.
Slysið varð á Hellissandi. Getty/ JannHuizenga

Maðurinn sem lést í vinnuslysi á Hellissandi í gær varð undir bifreið sem hann var að vinna við á bifreiðaverkstæði í bænum. Þetta kemur fram í tilkynningu frá lögreglu á Vesturlandi. 

Tildrög slyssins eru til rannsóknar hjá lögreglu. Ekki er grunur um að neitt saknæmt hafi átt sér stað eða að aðrir hafi komið að slysinu með nokkrum hætti, að því er segir í tilkynningu.

Slysið varð á ellefta tímanum í gærmorgun og var þyrla Landhelgisgæslunnar kölluð út vegna þess. Þá fóru eftirlitsmenn Vinnueftirlitsins einnig á vettvang.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×