Íslenski boltinn

Rúmir tveir mánuðir síðan Víkingur vann síðast leik

Anton Ingi Leifsson skrifar
Það hefur ekki verið mikil gleði yfir Víkingunum að undanförnu.
Það hefur ekki verið mikil gleði yfir Víkingunum að undanförnu. vísir/bára

Það hefur ekki gengið sem skildi hjá Víkingi í Pepsi Max deild karla í knattspyrnu. Liðið stefndi á Íslandsmeistaratitilinn en situr í níunda sæti deildarinnar, átta stigum frá fallsæti.

Eftir bikarmeistaratitilinn á síðasta ári og með breyttum, skemmtilegum fótbolta undir stjórn Arnars Gunnlaugssonar voru Víkingar spenntir fyrir komandi tímabili.

Gengið hefur hins vegar ekki verið upp á marga fiska og hefur liðið einungis unnið þrjá sigra í þeim fjórtán umferðum sem spilaðar hafa verið. Liðið hefur gert sex jafntefli og tapað fimm leikjum.

Liðið hefur ekki unnið í síðustu átta deildarleikjum; fjögur jafntefli og fjögur töp. Síðasti sigurleikur liðsins kom gegn ÍA 19. júlí og eru rúmir tveir mánuðir síðan; nánar tveir mánuðir og þrír dagar.

Það er spurning hvort að Víkingarnir nái að vinna sinn fyrsta leik í rúma tvo mánuði er liðið mætir Fylki í Árbænum á fimmtudaginn. Þar verða þeir þó án Óttars Magnúsar Karlssonar sem er farinn í atvinnumennsku.

Tengd skjöl



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.