Úrslitaspurningin og svarið minnti á Slumdog Millionaire

Spurningaþátturinn Kviss hóf göngu sína um helgina með frábærri viðureign FH og Breiðabliks.

Lið FH skipa tónlistarmaðurinn Jón Jónsson og sjónvarpskonan Björg Magnúsdóttir en í liði Breiðabliks voru tónlistarmaðurinn Herra Hnetusmjör og skemmtikrafturinn Eva Ruza.

Keppnin var jöfn og spennandi fram að lokalið keppninnar, sem kallast þrjú hint og eru tvær þriggja stiga spurningar. FH-ingar leiddu 26-23 og nægði að svara annarri spurningunni rétt til að tryggja sigurinn.

Jón var duglegur að ferðast með fjölskyldunni í sumar og það kom sér vel þegar hann heyrði fyrri spurninguna. Hann var fljótur að fara á bjölluna og sagan sem fylgdi í kjölfarið minnti óneitanlega á atriði úr kvikmyndinni Slumdog Millionaire.

Herra Hnetusmjör svaraði svo síðustu spurningu keppninnar fyrir Blika og urðu lokatölur 29-26 Hafnfirðingum í vil. FH-ingar eru því fyrsta liðið til að tryggja sér sæti í 8-liða úrslitum Kviss.

Kviss er á laugardagskvöldum kl. 19:00 á Stöð 2. Í næsta þætti mætast Afturelding og Fjarðabyggð.