Þjálfarar bikarmeistaranna allir úr Borgarfirði
Fjórir þjálfarar og aðstoðarþjálfarar sem fögnuðu bikarmeistaratitlunum tveimur í körfubolta í gær eiga að minnsta kosti eitt annað sameiginlegt. Þeir eru allir Borgfirðingar.
Skallagrímsmaðurinn Heiðar Lind Hansson bendir á þessa athyglisverðu staðreynd. Arnar Guðjónsson, aðalþjálfari karlaliðs Stjörnunnar, er úr Reykholtsdal í Borgarfirði og aðstoðarþjálfari hans, Hörður Unnsteinsson, er úr Borgarnesi.
Guðrún Ósk Ámundadóttir, sem tók við þjálfun kvennaliðs Skallagríms fyrir tímabilið, er úr Borgarnesi og fagnaði bikarmeistaratitli í fyrstu tilraun eins og Arnar með Stjörnunni í fyrra. Aðstoðarþjálfari hennar er Atli Aðalsteinsson sem er einnig úr Borgarnesi.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
