Enski boltinn

Markið hans Mesut Özil í gær kom eftir sókn sem stendur upp úr á tímabilinu

Óskar Ófeigur Jónsson skrifar
Mesut Özil fagnar marki sínu í gær en það kom eftir magnaða sókn.
Mesut Özil fagnar marki sínu í gær en það kom eftir magnaða sókn. Getty/Chloe Knott

Arsenal liðið minnti á gömlu góðu dagana í gær þegar liðið skoraði fjögur mörk í seinni hálfleik og rúllaði upp liði Newcastle á Emirates.

Arsenal liðið tók öll völd eftir hálfleiksræðu Mikel Arteta og keyrði yfir lærisveina Steve Bruce á síðustu 45 mínútunum.

Dani Ceballos og Mesut Özil voru báðir í liðinu og takturinn í sóknarleiknum var til mikillar fyrirmyndar.

Það er þó einkum þriðja mark Arsenal liðsins í leiknum sem vakti sérstaka athygli fyrir frábær samspil.


Þegar Mesut Özil kom boltanum yfir marklínuna þá var Arsenal liðið búið að senda boltann 35 sinnum á milli sín og allir ellefu leikmenn liðsins voru búnir að koma við boltann.

Slíkt samspil er í algjörum sérflokki í ensku úrvalsdeildinni á tímabilinu því mest áður hafði lið náð 25 heppnuðum sendingum í röð fyrir mark.

Það má sjá sendingarnar í þessari frábæru sókn hér fyrir neðan.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.