Lífið

Youtube stjarna fékk að kenna á hrekk sem tók fjögur ár að undirbúa

Stefán Árni Pálsson skrifar
Casey Neistat varð vægast sagt hræddur.
Casey Neistat varð vægast sagt hræddur.

YouTube-stjörnurnar Casey Neistat og Dan Mace eru bestu vinir en fyrir fimm árum tók Mace veðmál við Neistat um að hann gæti ekki náð að hrekkja þann síðarnefnda.

Í einu af nýjasta myndbandi Dan Mace kemur aftur á móti í ljós að hann vann veðmálið.

Í myndbandinu má sjá Neistat á brimbretti þegar allt í einu hákarl birtist fyrir aftan hann og mikil hræðsla kom yfir YouTube-stjörnuna.

Þann 20.mars árið 2016 byrjaði Mace að undirbúa hrekkinn og sýnir hann frá öllu ferlinu í myndbandinu. Loksins kom síðan að deginum og hafði Mace fengið félaga sinn til að koma sér fyrir rétt hjá Neistat og það í kafarabúning og með gervi hárkarlaugga fastan á sér.

Casey Neistat er með um tólf milljónir fylgjenda á YouTube og er því gríðarlega vinsæll á þeim miðli.

Hrekkurinn heppnaðist fullkomlega eins og sjá má.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.