Martin valinn mikilvægasti leikmaður úrslitaleiksins
Martin Hermannsson endurtók leikinn frá því þegar hann vann síðast titil í körfuboltanum. Hann var aftur valinn bestur.
Martin Hermannsson varð þýskur bikarmeistari með Alba Berlin á sunnudagskvöldið en íslenski bakvörðurinn fór á kostum í bikarúrslitaleiknum.
Í dag var það tilkynnt á Twitter-síðu þýsku deildarinnar að Martin hafi verið valinn mikilvægasti leikmaður bikarúrslitaleiksins í ár.
Ihr habt entschieden: @hermannsson15 ist MVP des Pokalfinales! Herzlichen Glückwunsch an den Guard von @albaberlin, der beim -Sieg mit 20 PTS erfolgreichster Punktesammler war und vier seiner sechs Dreier versenkte. #triumphodertrauer #easycreditbbl #mitLeibundSeele pic.twitter.com/i378HhdRGd
— easyCredit BBL (@easyCreditBBL) February 19, 2020
Martin var einn af fjórum leikmönnum sem kom til greina sem mikilvægasti leikmaður úrslitaleiksins en hinir voru Luke Sikma og Peyton Siva hjá Alba Berlin og svo Rasid Mahalbasic hjá Oldenburg.
Martin skoraði 20 stig á 23 mínútum í úrslitaleiknum þar sem Alba Berlin vann 89-67 sigur á EWE Baskets Oldenburg. Martin hitti meðal annars úr fjórum af sex þriggja stiga skotum sínum.
Þetta var fyrsti titill Martins síðan að hann varð Íslandsmeistari með KR-liðinu eftir 3-1 sigur á Grindavík í lokaúrslitunum 2014. Martin var valinn mikilvægasti lokaúrslitanna þetta vor en hann var þá í algjöru lykilhlutverki þrátt fyrir ungan aldur.
Í úrslitaeinvíginu var Martin með 19,0 stig og 3,5 stoðsendingar að meðaltali auk þess að taka 3,3 fráköst og stela 2,0 boltum í leik.
Tengdar fréttir
Martin: EuroLeague er miklu stærri en Íslendingar gera sér grein fyrir
Íslenski landsliðsmaðurinn segist hafa spilað marga eftirminnilega leiki í EuroLeague í vetur.
„Er byrjaður að finna til á stöðum sem ég hef ekki fundið til á áður“
Þátttöku Alba Berlin í EuroLeague fylgir mikið leikjaálag sem Martin Hermannsson er að venjast.
„Nú fékk maður loksins að syngja með „We Are the Champions““
Martin Hermannsson varð þýskur bikarmeistari með Alba Berlin á sunnudaginn. Hann var stigahæstur í liði Alba Berlin í bikarúrslitaleiknum.
Sjáðu Martin Hermannsson vinna langþráð gull í gær
Martin Hermannsson fór fyrir sínu liði þegar Alba Berlin varð í gær þýsku bikarmeistari í körfubolta. Liðið fékk silfur í öllum þremur keppnunum í fyrra en nú vannst loksins titill.
Martin stigahæstur er Alba Berlin varð bikarmeistari
Íslenski landsliðsmaðurinn Martin Hermannsson varð í kvöld þýsku bikarmeistari er lið hans Alba Berlín vann öruggan sigur á Baskets Oldenburg í úrslitum. Martin gerði sér lítið fyrir og var stigahæstur á vellinum með 20 stig.
