Handbolti

Rut og stöllur hennar unnu norsku meistarana

Ingvi Þór Sæmundsson skrifar
Rut skoraði eitt mark gegn Vipers Kristiansand.
Rut skoraði eitt mark gegn Vipers Kristiansand. vísir/bára

Rut Jónsdóttir og stöllur hennar í Team Esbjerg unnu fjögurra marka sigur á Vipers Kristiansand, 31-35, í fyrsta leik sínum á árinu í Meistaradeild Evrópu.

Dönsku meistararnir eru með sex stig í 2. sæti riðils 1. Esbjerg hefur unnið þrjá leiki og tapað tveimur.

Rut skoraði eitt mark fyrir Esbjerg sem var marki yfir í hálfleik, 15-16.

Kristine Breistøl skoraði átta mörk fyrir Esbjerg og hollenski heimsmeistarinn Estevana Polman sex.

Rut gekk í raðir Esbjerg 2017. Hún hefur leikið í Danmörku síðan 2008.




Fleiri fréttir

Sjá meira


×