Innlent

Bein útsending: Upplýsingafundur almannavarna

Tryggvi Páll Tryggvason skrifar
Upplýsingafundur dagsins er númer 100.
Upplýsingafundur dagsins er númer 100. Aðsend/Lögreglan

Boðað hefur verið til upplýsingafundar í dag vegna kórónuveirufaraldursins. Þetta er hundraðasti fundurinn sem almannavarnadeild ríkislögreglustjóra og embætti landlæknis hafa haldið frá því í lok febrúar.

Fundurinn hefst venju samkvæmt klukkan 14:03 og verður hann í beinni útsendingu á Vísi, sjónvarpsstöðinni Stöð 2 Vísi og á Bylgjunni. Hér að neðan má einnig fylgjast með beinni textalýsingu frá fundinum.

Þrír munu halda tölu og sitja fyrir svörum á fundinum. Víðir Reynisson yfirlögregluþjónn og Þórólfur Guðnason sóttvarnalæknir munu fara yfir stöðu mála í faraldrinum hér á landi. Alma Möller landlæknir fær hins vegar frí í dag.

Gestur þeirra Víðis og Þórólfs á fundinum verður Már Kristjánsson, yfirmaður smitsjúkdómadeildar á Landspítalanum.


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
Velkomin á Vísi. Þessi vefur notar vafrakökur. Sjá nánar.