Juventus búið að reka Sarri

Maurizio Sarri hefur verið sagt upp störfum hjá Ítalíumeisturum Juventus eftir eitt ár með liðinu.

Sarri gerði Juventus að Ítalíumeisturum á sínu fyrsta og eina ári með liðið en það er ekki nóg til að uppfylla kröfur stjórnarmanna Juventus. Þar er Meistaradeildin í forgangi en liðið féll úr leik í keppninni í gær á móti franska liðinu Lyon, sem endaði í 7. sæti frönsku deildarinnar á síðasta tímabili.

Juventus vann ítölsku úrvalsdeildina aðeins með eins stigs mun í ár og vann ekki nema tvo af síðustu átta leikjum sínum í keppninni.

Sarri hætti með Chelsea í fyrra eftir eitt ár í London til að taka við Juventus. Þetta er því annað stutt stopp hjá þessum skrautlega Ítala.

Áður hefur verið greint frá því að Mauricio Pochettino sé líklegur arftaki Sarri.