Hólmbert Aron Friðjónsson, framherji Álasundar í norsku úrvalsdeildinni, er sagður á óskalista marga liða víðs vegar um Evrópu. Forza Italian Football greinir frá.
Hólmbert hefur raðað inn mörkum það sem af er tímabilinu í Noregi. Hann hefur skorað átta mörk í fyrstu níu leikjunum fyrir Álasund sem annars liggur á botni deildarinnar.
Samningur Hólmberts við félagið rennur út í desember og verði hann keyptur í sumarglugganum mun hann þar af leiðandi ekki dýr.
Parma, SPAL og Lecce, sem öll spiluðu í ítölsku úrvalsdeildinni á síðustu leiktíð, eru sögð áhugasöm. Þau eru ekki þau einu sem fylgjast með Hólmberti en AZ Alkmaar í Hollandi og Gent í Belgíu eru einnig sögð áhugasöm.
SPAL spilar þó í ítölsku B-deildinni á næstu leiktíð og Lecce gæti einnig fallið í lokaumferðinni svo Parma er sagt vera númer eitt á óskalista Hólmberts.
Exclusive!#Parma, #SPAL and #Lecce have all entered the race to sign Aalesunds FK's Icelandic forward Holmbert Fridjonsson.
— ForzaItalianFootball (@SerieAFFC) August 1, 2020
Details https://t.co/Ug99XaSJ9e pic.twitter.com/8oMSFwznI0