Erlendur ferðamaður greindist með kórónuveiruna á Akureyri í gær. Hann var á ferðalagi með fjölskyldu sinni um norðurlandið og er í einangrun á Akureyri en fjölskyldan hans er nú í sóttkví.
Engar frekari upplýsingar eru til staðar hjá lögreglunni á Norðurlandi eystra um ferðir mannsins.
Lögreglan ítrekar fyrir fólki að halda uppi virkum smitvörnum, þvo og spritta hendur, halda tveggja metra fjarlægð og forðast mannmergð.
Anthony Fauci, yfirmaður Ofnæmis- og smitsjúkdómastofnunar Bandaríkjanna, segist mátulega bjartsýnn á að bóluefni við Covid-19, sjúkdómnum sem nýja kórónuveiran veldur, muni líta dagsins ljós á þessu ári.
Reynt verður eins og hægt er að senda starfsmenn hjúkrunarheimila sem koma frá útlöndum í fjórtán daga sóttkví áður en þeir koma til vinnu.
Líklega hefði verið hægt að koma í veg fyrir aðra þeirra tveggja hópsýkinga kórónuveirunnar sem komið hafa upp hér á landi á síðustu dögum með svokallaðri sýnatöku tvö að mati sóttvarnalæknis. Það fyrirkomulag var tekið upp í gær.
