Fótbolti

Sjáðu Svövu skora sitt fjórða mark í frábærri endurkomu

Sindri Sverrisson skrifar
Svava Rós Guðmundsdóttir í skallabaráttu í landsleik. Hún skoraði mikilvægt mark í dag.
Svava Rós Guðmundsdóttir í skallabaráttu í landsleik. Hún skoraði mikilvægt mark í dag. VÍSIR/GETTY

Svava Rós Guðmundsdóttir skoraði eitt marka Kristianstad sem náði í stig gegn Djurgården, liði Guðrúnar Arnardóttur, þrátt fyrir að vera 3-0 undir eftir 40 mínútna leik.

Liðin gerðu 3-3 jafntefli en Svava minnkaði muninn í 3-2 á 68. mínútu áður en að Amanda Edgren jafnaði metin sex mínútum síðar. Svava hefur skorað fjögur mörk það sem af er leiktíð, í sex leikjum.

Klippa: Mörkin í leik Djurgården og Kristianstad

Guðrún og Svava léku allan leikinn. Kristianstad, sem leikur undir stjórn Elísabetar Gunnarsdóttur, er nú með 8 stig, sjö stigum á eftir toppliði Rosengård. Djurgården er með 5 stig.

Anna Rakel Pétursdóttir lék allan leikinn fyrir Uppsala sem tapaði 2-0 á heimavelli gegn Gautaborg sem komst einu stigi upp fyrir Rosengård, á toppinn. Uppsala er með 7 stig um miðja deild.




Fleiri fréttir

Sjá meira


×